web counter
LEXO PA REKLAMA!

SHKARKO APP

App Store
Google Play

14 gola në 22 ndeshje, Shqipëria me sulmues të ri për eliminatoret që nisin në mars

9 Shkurt 2023, 23:10, Sport CNA

Një lajm ka qarkulluar pasditen e djeshme në lidhje me futbollistin Mirlind Daku. Për sulmuesin që aktivizohet te Mura në Slloveni, sipas “Kanali10”, thuhej se ai do të linte kombëtaren e Kosovës për t’iu bashkuar Shqipërisë.

Por gazeta u interesua në Federatën Shqiptare të Futbollit, teksa u tha se ky lajm nuk ka asgjë të vërtetë dhe mund të bëhet për interes klikimesh.

Mirlind Daku ka qenë pjesë e Superiores, ku ka veshur fanellën e Kukësit, pastaj te Ballkani në Kosovë dhe më pas në Kroaci dhe Slloveni.

Ndërkohë me dardanët, 25-vjeçari ka luajtur gjithsej në pesë ndeshje, të gjitha takime miqësore, çka i jep mundësinë që të përfaqësojë një kombëtare tjetër,

për shkak se nuk ka luajtur në një ndeshje zyrtare, siç e thotë edhe rregullorja. Këtë sezon në Slloveni, Daku ka luajtur 22 ndeshje dhe ka shënuar 14 gola.

Vetë kreu i FSHF-së Armand Duka e ka hedhur poshtë këtë lajm, gjithsesi nuk përjashtohet si mundësi, pasi edhe më parë ka ndodhur të lënë Kosovën për Shqipërinë.





Lajmet e fundit nga