web counter
LEXO PA REKLAMA!

SHKARKO APP

App Store
Google Play

E fundit!

x

Çmenduri/ Tek Uatford bëjnë festë për largimin e Rei Manajt: Ishte sulmues i dobët

10 Shkurt 2023, 10:59, Sport CNA

Rei Manaj mori përsipër një bast të rrezikshëm në karrierë. Pas eksperiencave të tij në Itali dhe Spanjë, sulmuesi zgjodhi që të shkonte në Angli.

Të gjithë e dimë tanimë që futbolli më i bukur në botë luhet në këtë vend dhe njëkohësisht më i vështiri për lojtarët, pasi shumë pak prej tyre kanë “gjunjë” për të përballuar ritmin anormal.

Prova e Manajt mund të quhet e djegur, madje nuk e kishte as shansin e provës. Vetëm pak minuta të luajtura te Uatford dhe një dëmtim i gjatë e priu sulmuesin shqiptar. Drejtuesit e klubit nuk ishin më të interesuar për të parë rikthimin e tij dhe vendosën që t’i shkëpusnin kontratën.

Por si është komentuar kjo lëvizje? Kreu i tifozëve të Uatford, Justin Beattie, ka dhënë një prononcim për “Footballleagueëorld” dhe nuk e fshehu aspak gëzimin.

“Koha e Rei Manaj te Watford ishte shumë zhgënjyese. Nuk pashë shumë prej tij për të qenë i sinqertë, kaloi shumë kohë i dëmtuar. Kur ishte në fushë, ishte jashtëzakonisht i dobët si lojtar dhe sulmues.

Të lirosh hapësirë në skuadër duke “e hequr qafe” atë ishte gjëja e duhur për të bërë. Do të harrohet shumë shpejt nga tifozët dhe ndoshta do të kujtohet në formën e shakasë pas disa vitesh”, tha Beattie.





Lajmet e fundit nga