web counter
LEXO PA REKLAMA!

SHKARKO APP

App Store
Google Play

Luftë për 1 pikë në Peshkopi, Korabi dhe Flamurtari kanë “frikë” nga fitorja

11 Shkurt 2023, 14:25, Sport CNA

KATEGORIA E PARË, java e 15-të

Ndeshja: Dueli mes Korabit dhe Flamurtarit, i zhvilluar në Peshkopi, ka përfunduar 1-1 mes dy ekipeve. Një përballje që rezultoi të ishte e luftuar deri në minutën e fundit.

Të parët që do të kalonin në avantazh do të ishin vendasit, ku në minutën e 52-të Selmani do të mposhtte portierin Kuka. Festa do të niste në Peshkopi, pasi ky gol do të thoshte shumë për objektivat e tyre.

Por goli i barazimit nuk do të vononte shumë, pasi miqtë do të mund të mposhtnin Mehidrin në minutën e 68-të kur Ramadani do të çonte në rrjetë topin.

Në minutat e mbetura, edhe pse kishte raste të tjera për të shënuar, nuk pati ndryshim të rezultatit, me ekipet që ndajnë nga një pikë në duelin për ngjitjen në Superiore.

Pas këtij barazimi Korabi dhe Flamurtari ndodhen në kuotë të njëjtë pikësh me 26 dhe ndajnë vendin e 3-4 mes tyre.

KORABI (4-3-3): Mehidri; Hoxhaj, Selmani, Lila, Lala; Mziu, Joti, Tabaku; Beshiraj, Dragoj, Keko. Trajner: Shpend Kumbarçe

FLAMURTARI (4-3-3) : Kuka; Beqja, Qarri, Disha, Liçaj; Pjeshka, Ramadani, Yuri; Flores, Fernando, Augusto. Trajner: Marcelo Troisi

90+5′- Mbyllet 1-1 dueli mes Korabit dhe Flamurtarit.

90′- 5 minuta shtesë në Peshkopi.

85′- Korabi hidhet në sulm për të gjetur golin e dytë, por lojtarët vendas nuk janë të saktë para porte.

68′- Barazohen shifrat në Peshkopi. Flamurtari gjen golin me Ramadanin.

52′- Korabi gjen golin. Selmani shokon Flamurtarin.

48′- Flamurtari shpëton mrekullisht, Kuka ndal Kekon.

46′- Ka nisur pjesa e dytë. Skuadrat kërkojne golin e avantazhit.

45′- Mbyllet pjesa e parë pa histori. Korabi-Flamurtari 0-0.

44′- Goditje këndi për vlonjatët. Flores pason për Yurin, por topi i goditur nga ky i fundit nuk ka forcën e duhur.

42′- Rrëmujë në zonën e Flamurtarit, por Flores arrin të largojë topin.

40′- Hoxhaj provon të gjejë golin, por ndalet nga Kuka.

35′- Vendasit gabojnë shumë me pasimet, nuk ia dalin dot të bëjnë 2 të sakta.

30′- Mario Beshiraj kishte në këmbët e tij rastin më të mirë të ndeshjes për të gjetur edhe golin, por Ramadani ia heq topin nga këmbët.

25′- Flamurtari vazhdon të luajë në sulm, por lojtarët e Korabit mbyllin mirë aksionet e vlonjatëve.

14′- Goditje në afërsi të zonës për vlonjatët. Flores provon direkt në portë, por gjen të gatshëm Mehidrin.

11′- Flamurtari duket më kërkues në këto minuta, por e kanë të vështirë të gjejnë hapësira te kundështarët.

4′- Skuadrat studiojnë njëra-tjetrën. Shumë gabime në mesfushë nga lojtarët e dy skuadrave.

1’- Starton sfida në Peshkopi me 1 minutë heshtje për nder të viktimave në Turqi dhe Siri. Korabi dhe Flamurtari, në “luftë” për 3 pikët.





Lajmet e fundit nga