Teodor Vaso, krenaria e Korçës dhe e Shqipërisë/ Futbollisti që u bë hero në ndeshjen me Gjermaninë

17 Mars 2024, 09:50, Sport CNA

Teodor Vaso, krenaria e Korçës dhe e Shqipërisë/

Teodor Vaso, krenaria e Korçës, legjenda e futbollit korçar, u shua këtë të diel në moshën 82-vjeçare.

Ai la një dhimbje të thellë në zemrat e sportdashësve.

Sporti në zi/ Shuhet Teodor Vaso, ikona e futbollit shqiptar
17 Mars, 08:59

Futbollisti korçar lindi në 15 shtator të vitit 1941 dhe u angazhua në sport fare i ri. E nisi karrierën si atlet në vitin 1955. Në moshën 16-vjeçare, ai u bë pjesë e stërvitjes me të rriturit e ekipit të Dinamos.

Teodor Vaso, krenaria e Korçës dhe e Shqipërisë/

Kaloi te Partizani, për të vijuar me 17 Nëntorin e në fund me Skënderbeun. Ishte titullar i padiskutueshëm i Kombëtares shqiptare që kishte në krye trajnerin, të madhin Loro Boriçi.

Vaso ka bërë 46 ndeshje ndërkombëtare, nga këto 20 me Kombëtaren, si lojtari me më shumë takime nga futbollistët korçarë.

Pikërisht këto takime ndërkombëtare e bënë atë të njohur duke i nxjerrë në pah cilësitë që kishte. Gjatë karrierës së tij futbollistike, ai ka shënuar 26 gola duke qenë në role mbrojtëse.

Teodor Vaso, krenaria e Korçës dhe e Shqipërisë/

Ikona e futbollit do të mbahet mend gjatë për ndeshjen e vitit 1967, ku luajti për 30 minuta me këmbë të vrarë dhe të enjtur kundër Republikës Federale Gjermane.

Asokohe, Teodori u shpall heroi i ndeshjes pasi gjermanët u eliminuan duke mos shkuar në finalet e Botërorit.

Lajmi për stadium të ri/ Legjenda Teodor Vaso: Korça e meriton, gëzon komunitetin sportdashës
6 Janar, 16:27
Ikonë e futbollit shqiptar/ Teodor Vaso, krenaria e Korçës feston 81-vjetorin e lindjes
15 Shtator, 19:18

Vaso ka dhënë një kontribut të çmuar në futbollin shqiptar, megjithatë nivelin më të lartë si futbollist e arriti në kohën kur ishte pjesë e Skënderbeut, gjithashtu pjesë e Kombëtares.

Teodor Vaso, krenaria e Korçës dhe e Shqipërisë/

Kjo falë shtypit të huaj, që sa herë pasqyronte takimet e kuqezinjve, emri i Teodorit ishte i pamundur për të mos u shkruar. Si mbrojtës apo si mesfushor para prapavijës, pak rëndësi kishte.

Teodor Vaso mban dekoratat “Mjeshtër i Merituar i Sportit”, “Medaljen e Artë” dhe “Emblemën e Artë të Korçës”./ CNA