web counter
LEXO PA REKLAMA!

SHKARKO APP

App Store
Google Play

E fundit!

x

Edi Martini: Nuk shikoj ndryshime mes Teutës dhe Partizanit

16 Mars 2024, 19:20, Sport CNA

Trajneri i Teutës, Edi Martini, foli pas ndeshjes, ku skuadra e tij fitoi minimalisht ndaj Partizanit. 

Martini e cilësoi si një triumf shumë të rëndësishëm, ndërsa shtoi se nuk shikon dallime mes dy ekipeve.

“Ishte shumë e rëndësishme fitorja pas eliminimit në Kupë, ekipi ishte në gjendje jo të mirë mentale pas asaj humbje me Tiranën në Kupë. Ishim stërvitur mirë, Partizanin e vlerësuam maksimalisht, e mposhtëm në të gjitha drejtimet. Minutat e fundit na u bënë gangrenë, prisja golin e dytë që të ishim më të çliruar, por Daci u mundua shumë njësoj si Peposhi dhe Boçi por këta jemi, duhet të luftojmë të gjithë bashkë në sulm dhe në mbrojtje.

Unë sdua të them që mendojmë për lart pasi kur e kam thënë sikur më kanë gjuajtur me gurë, do rrimë me këmbë në tokë, skemi bërë asgjë me Partizanin, vetëm detyrën. Ne kemi pasur mundësinë të fitojmë edhe në ndeshjet e tjera me ata, kemi ndeshjen e radhës me Tiranën hap pas hapi me djemtë dhe të bëjmë gjithçka që të mundemi të arrijmë sa më mirë në fund. Unë edhe kur humb e them që dua katërshen jo më kur fitoj. Por sdua ta them tani, sot kemi bërë detyrën se nuk shoh asnjë ndryshim mes Teutës time dhe Partizanit”, tha ai për “MCN TV”.





Lajmet e fundit nga