E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Spikat Laçi-Partizani dhe Kukësi-Vllaznia. Ja sfidat e ditës së sotme në Superiore

3 Nëntor 2022, 09:15, Sport CNA

Kategoria Superiore do të ulë siparin e javës së 11-të me tri duele që premtojnë spektakël dhe emocione ditën e sotme. Në orën 13:00, në stadiumin e qytetit të Laçit, do të luhet takimi Laçi-Partizani.

Kurbinasit e Dejan Vukiçeviçit duket se kanë gjetur ecurinë pozitive, teksa vijnë në këtë duel me dy fitore radhazi në kampionat. Ndërsa të kuqtë nga kryeqyteti duan fitoren pas humbjes së ndeshjes së kaluar ndaj Egnatias, por edhe për të ruajtur kreun e renditjes.

Në orën 13:00, në stadiumin “Kukës Arena”, do të zhvillohet ndeshja Kukësi-Vllaznia. Verilindorët e Enkeleid Dobit duan me çdo kusht kthesën teksa nuk fitojnë prej dy sfidash, ndërsa shkodranët e Mirel Josës kërkojnë tri pikët për të qenë në garë për zonën europiane.

Në po të njëjtën orë, në stadiumin “Selman Stërmasi”, do të luhet ndeshja Tirana-Egnatia. Kampionët në fuqi të Shqipërisë duan fitoren e dytë radhazi, por edhe me synimin për t'u ngjitur në vendin e parë në renditje.

Ndërsa rrogozhinasit me Shpëtim Duron në krye të pankinës kanë marrë një fytyrë tjetër, teksa synojnë vazhdimësinë e rezultateve pozitive në kampionat.