web counter
LEXO PA REKLAMA!

SHKARKO APP

App Store
Google Play

E fundit!

x

Historia e pazakontë e futbollistit argjentinas/ Kaloi 4 vite në burg, lirohet me kusht për një mundësi të dytë në fushën e lojës

2 Nëntor 2022, 21:56, Sport CNA

Historia e pazakontë e futbollistit argjentinas/ Kaloi 4 vite në burg,

Futbollisti argjentinas Luçiano Kabral është liruar nga burgu pasi ka kryer gjysmën e dënimit për sjellje të mirë dhe Argentinos Xhuniors i ka dhënë një shans të dytë. Në vitin 2017 ai bashkëpunoi me babain e tij në një vrasje, por tashmë një mundësi e dytë i është dhënë 27-vjeçarit.

Nata e 31 dhjetorit 2016 dhe agimi në vijim i Vitit të Ri do të shënonin përgjithmonë jetën e Luçiano Javier Kabral. Mesfushori i ri, i cili në atë kohë ishte i huazuar tek Atletiko Paranaense, u kthye me familjen për të shijuar festat e zakonshme të Krishtlindjeve… por gjithçka përfundoi kur Joan Ariel Villegas u gjet i vdekur në mes të rrugës. Disa orë më vonë, José, babai i lojtarit, kushëriri dhe një i mitur u arrestuan. Një dëshmitar okular raportoi se Luçiano ishte gjithashtu në skenën e ngjarjeve, megjithëse ai gjithmonë e mohoi këtë.

Por në hetimet që u kryen, u gjetën njolla gjaku që i përkisnin viktimës në këpucët e Luçianos, të cilat vërtetuan se ai kishte qenë në vendngjarje. Babai rrëfeu se ishte autori i vrasjes, por faji u nda pasi futbollisti rrëfeu se ishte përleshur me të para se ta rrihnin për vdekje. Babai u dënua me 18 vjet burg, futbollisti me nëntë vjet e gjysmë.

Mundësia e dytë në botën e futbollit

I dënuar me nëntë vjet e gjysmë burg, dukej se dyert i ishin mbyllur përgjithmonë. Luçiano Kabral kreu gjysmën e dënimit të tij në burgun e San Rafael (Mendoza) dhe u lirua me kusht për sjellje të mirë. Gjatë kohës që ishte i burgosur, ai mori vizita nga disa ish-kolegë të tij dhe madje vazhdoi stërvitjen me një trajner fizik.

“Unë nuk jam vrasës, nuk kam vrarë askënd, dua vetëm të luaj futboll. Dhe nëse më japin lirinë nuk do të arratisem”, siguroi Luçiano. Pasi kaloi katër vjet në burg, mesfushori filloi të stërvitet privatisht këtë javë në Qendrën e Futbollit Profesional ‘Sergio Daniel Batista’ të Argentinos Xhunior, një ekip nga divizioni i parë argjentinas.

“Më dhemb, sepse në fund të procesit sheh fytyra dhe jo zemra. Shumë herë ajo që të dhemb aty është të thuash sa herë e kam bërë këtë apo atë dhe sot as që më shkruajnë për të më pyetur se si jam unë apo si janë familja ime. Kur ëndërron, ëndërron shumë. Një nga ëndrrat e mia është të jem në gjendje të luaj përsëri me top”, siguroi ai muaj më parë në një fjalim në ‘Pasta de Campeón’.





Lajmet e fundit nga