web counter
LEXO PA REKLAMA!

SHKARKO APP

App Store
Google Play

Spanja me rezervat, zbulohet formacioni ndaj Shqipërisë

24 Qershor 2024, 12:24, Sport CNA

Spanja me rezervat, zbulohet formacioni ndaj Shqipërisë

Ashtu siç e njoftoi edhe në konferencë trajneri De la Fuente, Spanja do të luajë me lojtarët e stolit ndaj Shqipërisë.

Kombëtarja iberike do të zbresë në fushë me ndryshime të shumta, në krahasim me dy ndeshjet e tjera të Grupit B në Europian.

Sipas asaj që zbulon e përditshmja “AS”, Spanja do të ndryshojë të gjithë formacionin, duke nisur nga porta deri në majën e sulmit.

Në portë do të jetë lojtari i Arsenalit, David Raya, ndërsa mbrojtja do të përbëhet nga Laporte dhe Vivian në qendër, ndërsa në të djathtë Navas e në të majtë Grimaldo.

Në skemën 4-2-3-1, dyshja e mesfushës do të përbëhet nga Merino dhe Zubimendi. Në repartin e sulmit, nuk mungojnë emrat e mëdhenj, aty ku në të majtë do të luajë futbollisti i Barcelonës, Ferran Torres, ndërsa në të djathtë, Oyarzabal. Në qendër është projektuar sulmuesi i Real Madrid, Joselu, i mbështetur pas tij nga një emër i njohur si Dani Olmo.

Spanja me rezervat, zbulohet formacioni ndaj Shqipërisë

Gjithsesi, në pjesën e dytë pritet që në fushë të futen disa nga titullarët e kombëtares iberike.

Spanja e ka siguruar kalimin e grupit si e para në renditje, me 6 pikë dhe ndeshja ndaj Shqipërisë, ka vetëm vlerë statistikore.

Në krahun tjetër, fitorja për kuqezinjtë është detyrim, pasi do të siguronte një arritje historike, siç është kalimi i grupit, diçka që nuk ka ndodhur asnjëherë më parë.





Lajmet e fundit nga