web counter
LEXO PA REKLAMA!

SHKARKO APP

App Store
Google Play

Silvinjo zgjedh titullarët, tri ndryshime në formacion ndaj Spanjës

24 Qershor 2024, 10:23, Sport CNA

Silvinjo zgjedh titullarët, tri ndryshime në formacion ndaj

Trajneri i Shqipërisë, Silvinjo, e ka bërë gati formacionin ndaj Spanjës, ashtu siç e deklaroi edhe në konferencën për shtyp.

Në krahasim me ndeshjen ndaj Kroacisë, pritet të ketë tri ndryshime, nga mbrojtja në sulm. Në portë nuk ndryshon Starkosha, që duket titullar i padiskutueshëm.

Në mbrojtje, Gjimshiti nuk ndryshon, ndërsa këtë herë në krahun e tij në qendër do të jetë Ardian Ismajli. Ky i fundit duket se ka fituar balotazhin me Ajetin për vendin e titullarit.

Ivan Balliu duket në avantazh për krahun e djathtë të mbrojtjes, teksa do t'i marrë vendin Elseid Hysajt. Në të majtë, Mario Mitaj, nuk lëviz.

Në mesfushën me 3 lojtarë, do të jenë të njëjtët si ndaj Kroacisë, Asllani, Ramadani dhe Qazim Laçi.

Silvinjo zgjedh titullarët, tri ndryshime në formacion ndaj

Në qendër të sulmit, Armando Broja ka fituar balotazhin me Manajn dhe do të jetë nga minuta e parë. Shqipëria pritet të luajë me kundërsulme ndaj Spanjës dhe për këtë arsye, trajneri Silvinjo kërkon të shfrytëzojë shpejtësinë e Brojës.

Krahët e sulmit do të përbëhen nga Jasir Asani në të djathtë dhe Nedim Bajrami në të majtë.

Ndeshja me Spanjën, merr rëndësi të veçantë për Shqipërinë, që kërkon të kalojë grupin e Europianit, për herë të parë në histori.





Lajmet e fundit nga