Silvinjo: Jam gjysmë spanjoll dhe brazilian. Ndeshje e vështirë, por kam ekip ambicioz

23 Qershor 2024, 19:11, Sport CNA

Silvinjo: Jam gjysmë spanjoll dhe brazilian. Ndeshje e vështirë,

Shqipëria luan një ndeshjet tejet të rëndësishme të hënën, siç është ajo ndaj Spanjës.

Në prag të kësaj përballje, për mediat foli trajneri i kuqezinjve, Silvinjo. Tekniku i Shqipërisë, vlerësoi maksimalisht kundërshtarin, ndërsa tha se ka lojtarë ambiciozë.

"Është emocionuese. Spanja më ka pritur mua dhe familjen time. Kam luajtur atje, njoh njerëz. Për mua të luaj kundër Spanjës është fantastike. Do jetë ditë që nuk do e harroj. Nga ana tjetër jam i lumtur që drejtor skuadrën shqiptare. Mundësi shumë e madhe për ne, do dalim nesër të luajmë me një prej skuadrave më të mëdha në botë.

E dini më mirë se unë që Spanja e ka ADN-në e vet të mbajë topin. Kjo skuadër spanjolle ka diçka tjetër, lojtarë të rrezikshëm në krah. Ka më shumë cilësi. Natyrisht i kam vëzhguar në muajt e fundit, janë shumë të mirë në mbrojtje, ato lejojnë shumë pak hapësirë. Janë shumë mirë të organizuar. Spanja mund të jetë skuadra më e mirë në grup. Kështu që patjetër janë skuadër e mirë. Kemi lojë të vështirë nesër, por dhe ne kemi lojtarë ambiciozë dhe të emocionuar për nesër.

Kam shkuar me Zabaletën, 1 ditë pas ndeshjes sonë, i dimë të gjithë kundërshtarët e grupit tonë. Skuadër që të impresionon. De la Fuente ka bërë punë të mrekullueshme. Lojtarët e mi janë të guximshëm, do dalin në fushë të japin çdo gjë që munden. Kemi një mundësi, çdo gjë mund të ndodhë. Do shkojmë për të luajtur.

Është avantazh të shënosh i pari, por ky është Europiani i dytë. Kemi lojtarë të rinj dhe që janë përmirësuar dhe po tregojnë çfarë mund të bëjnë. Ka të bëjë dhe me përvojën.

Shumë njerëz mendonin që do pësonim shumë gola dhe ndeshja e fundit nuk do kishte rëndësi. Jemi shumë të lumtur që jemi në “Grupin e Vdekjes” dhe do shkojmë në këtë ndeshje për të fituar diçka.

Unë jam i ri. Është ndeshje me rëndësi dhe që nuk do e harroj. Të luaj kundër Spanjës, jam gjysmë spanjoll dhe brazilian. Është ndeshje me rëndësi.

Kemi punuar me skuadrën kombëtare me muaj të tërë. Kemi qenë në Tiranë dhe kemi parë përkushtim të madh dhe besim nga njerëzit që punojnë për këtë skuadër. Në Shqipëri ka 3 milionë shqiptarë por dhe 10 milionë në botë. Gjeneratat e tanishme po gëzojnë ndeshjet e kombëtares në Europian. Po bëjmë punë shumë të mirë. Ne do luajmë tërë 90 minutat. Nëse kalojmë grupin, dhe më mirë. Do jetë kënaqësi të luajmë në mesin e 16 skuadrave më të mira. Do bëjmë performancën më të mirë. Është fantastike", u shpreh Silvinjo.