web counter
LEXO PA REKLAMA!

SHKARKO APP

App Store
Google Play

E fundit!

x

Kombinimet në Europian/ Si kualifikohet Shqipëria për në fazën e 1/16-ave

24 Qershor 2024, 12:18, Sport CNA

Kombinimet në Europian/ Si kualifikohet Shqipëria për në

Në Grupin B, aty ku bën pjesë edhe Shqipëria, këtë të hënë do të luhen dy ndeshjet e fundit, ku do të përcaktohen skuadrat që avancojnë për në fazën e 1/16-ave.

Në këtë fazë, para sfidave, llogaritë bëhen me laps në dorë, ku kualifikimi për më tej, varet nga shumë kombinime.

Te Shqipëria e kanë të qartë se një fitore ndaj Spanjës do hapte rrugën për të kaluar grupin. Në rast triumfi, kuqezinjtë do të shkonin në kuotën e 4 pikëve dhe rriten gjasat për të kaluar si një nga katër skuadrat e treta më të mira.

Do të ishte një arritje historike për Shqipërinë, nëse do të kalonte grupin në pjesëmarrjen e saj të dytë në Europian.

Aq më tepër duke ditur se çfarë rivalësh kanë kuqezinjtë në grupin e tyre në "Euro 2024", Spanjën dhe Italinë kampione Europe dhe bote, apo dhe Kroacinë që ka shkruar historinë vitet e fundit.

Por, një fitore e mundshme sot kundër Spanjës mund ta çojë edhe në vend të dytë Kombëtaren shqiptare, në varësi të rezultatit të ndeshjes tjetër të grupit mes Italisë dhe Kroacisë, që gjithashtu janë në lojë për kualifikimin.

Kuqezinjtë mbajnë vendin e tretë në grup aktualisht, me 1 pikë dhe falë golaverazhit më të mirë se Kroacia e vendit të fundit.

Sipas llogarive, me situatën aktuale të grupeve 4 pikë janë të mjaftueshme për të vazhduar më tej, sidomos kur nuk ke golavarazh negativ.

Ka edhe një variant, që e kualifikon Shqipërinë edhe me një barazim ndaj Spanjës. Nëse kuqezinjtë marrin 1 pikë ndaj iberikëve sot dhe Kroacia nuk fiton kundër Italisë, Kombëtarja jonë do të zinte vendin e tretë në grup me golavarazh më të mirë sesa Kroacia.

Në këtë rast kualifikimi do të varej nga rezultatet e Grupeve C dhe F, ku duhet të plotësohen skenarë të veçantë në të paktën dy prej tyre për të bërë ëndrrën kuqezi realitet.

Në Grupin C duhet që Anglia të mundë Slloveninë dhe ndeshja Danimarkë-Serbi të mos mbyllet në barazim, ndërsa në Grupin F duhet që Çekia dhe Gjeorgjia të mos fitojnë ndeshjet përkatëse.

Përtej këtyre kombinimeve, duhet që Shqipëria të ketë golaverazh më të mirë sesa skuadra që del e treta.





Lajmet e fundit nga