web counter
LEXO PA REKLAMA!

SHKARKO APP

App Store
Google Play

Skënderbeu, pa frena në merkato/ Synon rikthimin e mesfushorit të njohur

15 Korrik 2022, 09:58, Sport CNA
Skënderbeu, pa frena në merkato/ Synon rikthimin e mesfushorit të
Asion Daja kur luante me Skënderbeun

Skënderbeu duket se ka ide të qarta për sezonin e ardhshëm. Korçarët kërkojnë rikthimin e shpejtë në elitë dhe për të realizuar këtë mision, sytë i kanë hedhur drejt Kategorisë Superiore.

Asion Daja, në kohën kur aktivizohej me Skënderbeun. Burime të sigurta pranë klubit bënë me dije se Asion Daja është lojtari i pëlqyer nga korçarët për ta pasur pjesë të organikës. Klubi bardhekuq po sheh mundësinë e afrimit të mesfushorit kryeqytetas, që së fundmi ka shpallur “divorcin” me Teutën. Një element me përvojë si ai dhe mbi të gjitha më i lirë në treg, shihet si luks.

32-vjeçari shihet si një alternativë e rëndësishme për mesfushën e bardhekuqve. Ky repart është boshatisur pas largimeve të shumta. E megjithatë, pengesa e madhe mban emrin “Dinamo”.

Lojtari po negocion me kryeqytetasit, madje flitet që sot mund të shkojnë edhe drejt akordit zyrtar. E megjithatë, në kohë merkatoje mund të ndodhë gjithçka. Me një ofertë më tunduese të Ardjan Takajt, ndoshta mund të ndryshonte situata.

Korçarët kanë filluar tashmë interesimin për lojtarin, që në të shkuarën ka luajtur në Korçë dhe fakti që njeh ambientin shihet si “bonus”.

Migen Memellit do t’i bënte vërtetë punë një “xhol” si ai. Sikur të mos mjaftojë kjo, bardhekuqtë kërkojnë ta bëjnë pjesë të projektit edhe për sezonin e ardhshëm. Në rast të ngjitjes së Skënderbeut në elitë, Daja do të kthehej në një shtyllë të rëndësishme për ndërtimin e ekipit.

 





Lajmet e fundit nga