web counter
LEXO PA REKLAMA!

SHKARKO APP

E fundit!

x

Futbollisti 18-vjeçar shpëtoi 2 të mitur, por u mbyt në Durrës, reagon Duka: Kishte perspektivë, sakrifica juaj do të mbetet e paharruar

14 Korrik 2022, 18:39, Sport CNA

Anri Kashiku, futbollisti 18-vjeçar u mbyt sot në Durrës, teksa shpëtoi të vëllanë dhe një tjetër të mitur nga dallgët e detit. Futbollisti i Akademisë Shqiponja nuk fitoi dot betejën me dallgët e pabesa, duke shkaktuar dhimbje këtë mesditë.

Në lidhje me këtë lajm të trishtë, presidenti i FSHF-së, Armand Duka, ka ngushëlluar familjarët e 18-vjeçarit. Një futbollist me perspektivë që bëri një akt të paharrueshëm, tregon Duka në mesazhin ngushëllues.

I tronditur nga lajmi tragjik i ndarjes së papritur nga jeta i Anri Kashikut, djaloshit 18-vjeçar nga Durrësi. Nuk ka fjalë për të përshkruar këtë ngjarje të rëndë.

Përveçse një hero, Anri, i cili shpëtoi nga mbytja në det dy fëmijë para se të mposhtej pabesisht nga dallgët e detit, ishte dhe një futbollist i perspektivës me Akademinë Shqiponja 2017.

Dua t’i shpreh ngushëllimet më të thella familjes së tij, të afërmve, shokëve e drejtuesve të skuadrës në këto momente të vështira. Lamtumirë Anri!

Kujtimi dhe sakrifica juaj do të mbeten të paharruara nga të gjithë, e veçanërisht nga komuniteti i futbollit. U prehtë në paqe!





Lajmet e fundit nga