web counter
LEXO PA REKLAMA!

SHKARKO APP

App Store
Google Play

Skënderbeu e shiti 300 mijë euro, Agim Zeka sot nuk gjen dot ekip

30 Qershor 2022, 08:01, Sport CNA
Skënderbeu e shiti 300 mijë euro, Agim Zeka sot nuk gjen dot ekip
Agim Zeka kur luante në Francë.

Pritshmëritë për të kanë qenë gjithmonë të larta, por për shpërthimin e talentit Agim Zeka, duhet të presim ende! 23-vjeçari së fundmi qe pjesë e Prishtinës, por aventura e tij me kryeqytetasit ka zgjatur vetëm 6 muaj, pasi ditën e sotme i bënë dalje, duke ndërprerë bashkëpunimin.

Gjërat nuk shkuan sipas parashikimeve, teksa Zekës tashmë i duhet të gjejë një klub të ri. I habitshëm është fakti se ky futbollist, në të kaluarën, ka shëtitur në shumë klube prestigjioze, si  Lila në Francë, Austria e Vienës, Mouskron në Belgjikë, Fortuna Sitard në Holandë, Varzim, Leixoes në Portugali, por pa mundur të lërë gjurmë.

Gjithashtu 23-vjeçari në të kaluarën ka qenë edhe pjesë e Skënderbeut si dhe e Dritës së Gjilanit, por edhe në Shqipëri dhe Kosovë nuk arriti të bënte diferencën. Vlen të theksohet fakti se Zeka numëron 10 paraqitje me Kombëtaren U-21 të Shqipërisë. Vlera në treg e tij sipas “Transfermarkt” është 125 mijë euro.

Skënderbeu e shiti 300 mijë euro, Agim Zeka sot nuk gjen dot ekip
Agim Zeka




Lajmet e fundit nga