web counter
LEXO PA REKLAMA!

SHKARKO APP

App Store
Google Play

E fundit!

x

Futbollisti që ka luajtur në Botëror do të firmosë me Laçin

29 Qershor 2022, 21:20, Sport CNA
Futbollisti që ka luajtur në Botëror do të firmosë me
Majkëll Babatunde

Mesfushori nigerian, Majkëll Babatunde, pritet të firmosë për Laçin në ditët në vijim. Edhe pse kondicioni i tij fizik nuk është ai që prisnin drejtuesit, cilësitë e tij dhe eksperienca e madhe në klubet e mëparshme në Ukrainë apo vendet aziatike, bindin klubin për t’i ofruar një kontratë 29-vjeçarit.

Babatunde ka qenë pjesë e kombëtares së Nigerisë në Botërorin e vitit 2014, që u zhvillua në Brazil. Ndërkohë, ajo që ka shqetësuar së fundmi kampin kurbinas është dëmtimi i mesfushorit Klinti Qato. Dje lojtari mungoi ndaj Llapit, ashtu si tre afrikanët që kishin probleme me dokumentacionin dhe nuk kalonin dot kufirin.

Mësohet se 24-vjeçari ka dëmtuar gjurin gjatë një përplasjeje në ndeshjen miqësore ndaj Gjilanit, luajtur të dielën e fundit në Pogradec. Ai tashmë pret të mësojë për shkallën e dëmtimit, ndërsa në klub shpresojnë të mos jetë diçka serioze dhe Qato të kthehet sa më shpejt në fushë. Në këtë moment Laçi vuan jo pak mungesën e alternativave në qendër të mesfushës, pasi largimi i titullarëve Juljan Shehu dhe Ardit Deliu ka prishur shumë punë.





Lajmet e fundit nga