web counter
LEXO PA REKLAMA!

SHKARKO APP

App Store
Google Play

E fundit!

x

Katër lojtarë në lojë, Igli Tare takohet në Londër me drejtuesit e Çelsit dhe Arsenalit

29 Qershor 2022, 20:21, Sport CNA

Mauricio Sarri po pret përforcime dhe Igli Tare ka fluturuar drejt Londrës për herë të dytë radhazi. Drejtori sportiv i Lacios do të takohet me drejtuesit e Çelsit dhe Arsenalit. Me “Blutë e Londrës” po bisedohet në lidhje me Sergej Milinkoviç-Saviç. Klubi italian kërkon 70 milionë euro për të lënë të lirë mesfushorin serb, por oferta e Çelsit është shumë larg.

Lacio kërkon para të thata dhe asnjë lojtar të përfshirë në operacionin e shitjes së 27-vjeçarit. Ndërkohë, Tare po tenton të marrë nga Çelsi mesfushorin Ruben Luftus-Cheek dhe Emerson Palmierin, anësorin e majtë italo-brazilian. Të dy lojtarët nuk bëjnë pjesë në planet e gjermanit Tomas Tuhel.

Ndërkohë, Tare po tenton edhe Lukas Torreirën nga Arsenali. Mesfushori uruguaian ishte i huazuar te Fiorentina në sezonin e fundit. “Nuk dua të qëndroj tek Arsenali. Ata më thanë që në fillim se nuk do të përfitoj minuta, kështu që nuk ka shanse të qëndroj te ky ekip. Dua të rikthehem në Itali ose të kaloj në Spanjë”, deklaroi 26-vjeçari latin.

Tare po tenton të përfitojë dhe beson se do të gjejë një akord me drejtuesit e klubit londinez. Nga ana tjetër, Luis Alberto ka përfunduar në merkato. Interesim ka nga Napoli dhe Sevilla. Presidenti Lotito kërkon 40 milionë euro për të lënë të lirë fantazistin spanjoll, por asnjë nga ofertat e dy klubeve të interesuara nuk i afrohet kësaj shume.





Lajmet e fundit nga