web counter
LEXO PA REKLAMA!

SHKARKO APP

E fundit!

x

"Nëse e mbyll tani takimin a do të më japësh fanellën tënde?"/ Ngjarja e veçantë në Botëror, si gjyqtari la gojëhapur Ksavin

29 Qershor 2022, 09:52, Sport CNA

"Nëse e mbyll tani takimin a do të më japësh

Gjatë inaugurimit të “Museo Legends”, drejtori i këtij muzeu, Marselo Ordas, ka treguar një anekdotë për një ndodhi në takimin e kampionatit botëror në Afrikën e Jugut mes Spanjës dhe Portugalisë.

Protagonistë kanë qenë asokohe mesfushori i Barçës, Ksavi Hernandez, dhe gjyqtari argjentinas i takimit Hektor Baldasi. Ordas tregoi se ishte i ftuar në shtëpinë e Ksavit, ku e kishte pyetur nëse kishte ndonjë fanellë të tijën me kombëtaren spanjolle. Këtu nis gjithçka, me ndodhinë në takimin e 1/8 e finaleve mes Spanjës dhe Portugalisë. Në atë takim të fituar nga Spanja, Ksavi ka rrëfyer se kishte përjetuar një ngjarje të veçantë në karrierën e tij si futbollist.

Gjatë një momenti në ndeshje mesfushori i atëhershëm i Spanjës dëgjoi se dikush e përgëzoi për një veprim të tij. Por Ksavi u habit kur mësoi se ky ishte gjyqtari i ndeshjes. Pak minuta më vonë, Ksavi po i kërkonte gjyqtarit përfundimin e ndeshjes. Përgjigjja e gjyqtarit e la gojëhapur Ksavin, me drejtuesin e garës që iu drejtua: Nëse e mbyll tani takimin a do të më japësh fanellën tënde? Në fund kështu ndodhi me Ksavin që ia dorëzoi gjyqtarit argjentinas fanellën e tij. /CNA.AL





Lajmet e fundit nga