web counter
LEXO PA REKLAMA!

SHKARKO APP

App Store
Google Play

Kasijas bekon Di Marian: Me Kiezën, Pogbanë dhe Vlahoviçin do e çojnë Juven në një tjetër nivel

29 Qershor 2022, 09:24, Sport CNA

Iker Kasijas fitoi Champions-in e dhjetë të Realit të Madridit me Angel Di Marian në skuadër, por ish-trajneri dhe kapiteni legjendar i “Galaktikëve” ka shumë më shumë sesa elozhe për argjentinasin. “Më besoni, Juventusi ka bërë një goditje të mëdha.

Të gjithë janë skeptik se ai është 34 vjeç, por sot mosha është shndërruar në një numër. Jetëgjatësia e karrierës po kalon limitet e mëparshme dhe shembulli më i mirë është miku im Bufon, që edhe pse 44 vjeç luan ende në nivele të mira. Pastaj mos harrojmë Modriçin me Benzemanë që edhe pse i kanë lënë me kohë të 30-at ishin liderët e Realit të Madridit në triumfin e sivjetshëm në Europë.

Prandaj, kur ju them që Di Maria është një goditje e madhe, nisem nga fakti se ai është më shumë sesa thjesht një mesfushor. Ka inteligjenca taktike, përveç cilësive teknike. Juventusi po merr një futbollist që di të bëjë shumë gjëra në zona të ndryshme të fushës. Kur fituam ‘La Deciman’, Ançeloti në janar i ndryshoi pozicion dhe ai u shpreh me rezultate fantastike.

Nga ajo periudhë e deri më sot ka ndryshuar disa ekipe dhe ka mësuar të lëvizë edhe në situata të tjera të ndryshme, duke ditur që të luajë më i avancuar apo edhe në mesfushë. Te Juventusi do të sjellë eksperiencë, sidomos në Champions. Pastaj Di Maria po shkon në një skuadër të madhe. Kanë Kiezën e Vlahoviçin, por do rigjejë edhe Pogbanë. Alegri është një trajner me eksperiencë, ndaj jam i sigurt se Di Maria do ta shtyjë Juven në një hap më cilësor”, deklaroi Kasijas./CNA.AL





Lajmet e fundit nga