web counter
LEXO PA REKLAMA!

SHKARKO APP

App Store
Google Play

E fundit!

x

Shehi: Luajtëm mirë, kualifikimi mbetet i hapur

19 Korrik 2022, 22:27, Sport CNA
Shehi: Luajtëm mirë, kualifikimi mbetet i hapur
Orges Shehi

Orges Shehi vazhdon të ketë besim se Tirana mund të kualifikohet në turin tjetër të Ligës së Konferencës. Trajneri i bardhebluve, pas humbjes 1-0 në shtëpi përballë Zrinjskit, shpjegoi për “SuperSport” pse kishte këtë bindje.

“Kemi bërë një ndeshje të mirë dhe ndoshta meritonim më shumë. Kur e nis lojën me gol bëhet e vështirë dhe të vjen keq që marrim gol shumë të evitueshëm. E dinim që kundërshtari rivënien e ka të gjatë, ndaj ndryshuam qendërmbrojtësin, gabuam, pësuam dhe skuadra pastaj reagoi. Ishim gjithmonë në kontroll e disa situata mund t’i kishim zgjidhur më mirë, sidomos luajtjen e topit nga poshtë.

Sigurisht që na mungon pak organizimi nga poshtë, se luajmë me dy qendërmbrojtës me të djathtën. Mundoheshim që të ulej poshtë Aleksi, por në metrat e fundit nuk ishte finalizimi si duhet, binim në presion shumë shpejt dhe na bllokonin Najdovskin për të dalë para.

Mendoj që meritonim më shumë. Skuadra nuk është se u shpreh keq në fushë, përveç disa gjërave të vogla. Në fund kërkonim, sidomos me daljen e Qefalisë, nuk kërkonim të luanim nga poshtë, nuk merrnin lojtarët komandën mirë dhe lanë boshllëqe. U mërzita te rasti i fundit se në fund nuk mund të luash me qarkullim topi, por të kërkonin Devidin. U rrezikuam për të pësuar golin e dytë. Mendoj se ndeshja vazhdon të jetë e hapur, besimi është prezent se është me vajtje-ardhje”, tha Shehi.





Lajmet e fundit nga