web counter
LEXO PA REKLAMA!

SHKARKO APP

App Store
Google Play

E fundit!

x

Herdi Alliu: Jam i emocionuar që do të luaj me Skënderbeun

19 Korrik 2022, 08:51, Sport CNA
Herdi Alliu: Jam i emocionuar që do të luaj me Skënderbeun
Herdis Alliu

Nga Sopoti te Pogradeci dhe tani portieri Herdis Halliu shkon te Skënderbeu. Edhe pse bëhet fjalë për Kategorinë e Parë, librazhdasi nuk shqetësohet. Ai këtë e sheh si “bonus” edhe për veten, pasi e njeh mirë këtë kampionat. Gjatë një deklarate, 23-vjeçari tha se i pret vërtet një garë e ashpër, por bardhekuqtë mund t’i llogarisin që tani si kryesues.

“Për mua është një hap cilësor në karrierë dhe jam mjaft i emocionuar për të filluar stërvitjen e parë si lojtar i Skënderbeut. Jam pjesë e një klubi me shumë emër në Shqipëri dhe pavarësisht situatës ku ndodhet, ndihem krenar që u jam bashkuar bardhekuqve, ekip që ka bërë histori në Europë.

Një moment të tillë e kam pritur që kur nisën bisedimet, ndërsa tani, disa kohë pas firmës, mezi pres të filloj nga puna. Menjëherë pas zyrtarizimit, mund të them se kam filluar stërvitje individuale dhe dua të rritem shumë. Është një mundësi e artë për mua. Kjo gjë më bën të ul kokën dhe të punoj akoma edhe më shumë për të shpërblyer besimin. Gara brenda grupit është e hapur dhe kjo na bën më të fortë.

Na pret një sezon i vështirë dhe shumë i luftuar. Unë e di se sa e vështirë është Kategoria e Parë, pasi e kam provuar me Pogradecin. Por do të jemi në majë të renditjes. Jemi në një qëllim, të rikthejmë Skënderbeun atje ku i takon. Afrimet cilësore na japin më shumë besim dhe e shoh që dita-ditës ekipi po merr formë. Prandaj, mezi pres të filloj nga puna”, përfundoi Herdis Alliu.





Lajmet e fundit nga