web counter
LEXO PA REKLAMA!

SHKARKO APP

App Store
Google Play

E fundit!

x

Djali i Igli Tares largohet nga Lacio

19 Korrik 2022, 14:02, Sport CNA
Djali i Igli Tares largohet nga Lacio
Igli Tare me të birin

Thellohet hendeku mes Lacios dhe Igli Tares. Pas heqjes së kompetencave si drejtor te sektori i të rinjve dhe femrave, vjen edhe largimi i djalit të Tares që po stërvitej me “Primaverën”.

Të rinjtë e Lacios do t’u nënshtrohen ekzaminimeve mjekësore të epokës së re. Ky proces nisi sot dhe do të përfundojë të enjten në “Paideia”, deri pasnesër, ditën në të cilën është planifikuar dreka në Formello dhe nisja e mëpasshme për në Roccaporena.

“Lazio Primavera” do të qëndrojë në kampin stërvitor të fshatit Cascia deri më 31 korrik. Pankina iu besua Stefano Sanderra-s, ish-trajnerit të Hibernians, kampioni në fuqi i Maltës. Surprizë mund të konsiderohet largimi i djalit të drejtorit sportiv të klubit bardhekaltër, Igli Tare nga të rinjtë e Lacios.

Etienne Tare u lirua më 30 qershor, me klubin që nuk e konsideroi të përshtatshëm vazhdimin e kontratës së tij. Kësisoj, Tare Junior do të largohet nga Lacio dhe do të detyrohet të gjejë një ekip të ri, ndoshta në Serinë C.

Rezultati i tij në sezonin e fundit të “Primavera 2” ishte 6 gola dhe 2 asiste në 23 ndeshje, shpeshherë nën hijen e paraqitjeve të rëndësishme të Valerio Crespi. Përtej asaj që do të jetë e ardhmja e Iglit në hierarkinë drejtuese të Lacios, Etienne tani ka përshëndetur stafin dhe bashkëlojtarët.





Lajmet e fundit nga