web counter
LEXO PA REKLAMA!

SHKARKO APP

App Store
Google Play

E fundit!

x

Sfida me Italinë, dilema për formacionin te Shqipëria

13 Qershor 2024, 11:34, Sport CNA

Sfida me Italinë, dilema për formacionin te Shqipëria

Kombëtarja shqiptare, ka vazhduar përgatitjet në kuadër të ndeshjes së parë në Europian, ndaj Italisë, në kampin bazë në Kaizerau.

Skuadra zhvilloi vetëm një seancë stërvitore, nën urdhrat e trajnerit Silvinjo dhe stafit të tij teknik.

Departamenti i Federatës Shqiptare të Futbollit bëri të ditur se pas stërvitjes së të mërkurës, grupi ka qenë i plotë dhe në gjendje shumë të mirë, ndërsa për fat të mirë asnjë nga lojtarët nuk ka pasur probleme fizike.

Edhe e enjtja rezervon vetëm një seancë stërvitore për Shqipërinë, ndërsa të premten do të mbyllen përgatitjet.

Ndeshja  e parë e Europianit ndaj Italisë është planifikuar të luhet ditën e shtunë më 15 qershor, në orën 21:00 në stadiumin e Dortmundit.

Sfidën e dytë, kuqezinjtë do e luajnë ndaj Kroacisë, më 19 qershor, ndërsa ndeshja e fundit e grupit, do të jetë ajo ndaj Spanjës, e planifikuar më 24 qershor.

Trajneri Silvinjo, ende nuk e ka vendosur formacionin, pasi ka dilema për zgjedhjet ndaj Italisë. Në portë pritet të luajë Strakosha, ndërsa nga e djathta Hysaj, e në të majtë Mitaj. Gjimshiti është i padiskutueshëm në qendër, ndërsa ka balotazh mes Ismajlit dhe Ajetit.

Në mesfushë Asllani dhe Ramadani do të jenë titullarë, por nuk është vendosur ende nëse Silvinjo do të luajë me tre apo me dy në mesfushë.

Asani në të djathtën e sulmit dhe Broja në qendër, deri tani duken të sigurt. Dilema ka edhe për skemën. Në rast se Silvinjo zgjedh të luajë me 4-3-3, në mesfushë do të shtohej edhe Qazim Laçi, për të spostuar Bajramin në të majtë të sulmit.

Megjithatë, në rast se trajneri zgjedh 4-2-3-1, atëherë Bajrami do të ishte në rolin e fantazistit, ndërsa Seferi ose Hoxha në të majtë të sulmit.





Lajmet e fundit nga