E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Polemika në derbi, Inzaghi: Na u mohua një penallti e pastër

3 Shkurt 2025, 14:14, Sport CNA

Milan-i dhe Inter-i barazuan 1-1 mes tyre, në një derbi spektakolar që u vendos në fund. Zikaltrit ishin dominues për shumicën e kohës, duke u ndalur tri herë nga shtylla. Siç ndodh zakonisht në derbi, edhe këtë herë nuk munguan polemikat.

Pas ndeshjes, trajneri i Inter-it, Simone Inzaghi, nuk e fshehu zhgënjimin e tij për mënyrën se si u zhvillua loja dhe vendimet e arbitrave. Ai lavdëroi skuadrën e tij për shpirtin luftarak, por theksoi se disa episode e dëmtuan rëndë Inter-in.

Inzaghi gjithashtu shprehu zemërimin e tij për mosakordimin e një penalltie, duke kritikuar përdorimin e VAR-it.

“Djemtë ishin të mrekullueshëm. Kishim tre gola të anuluar, goditëm tri herë shtyllën dhe nuk na u dha një penallti shumë e pastër për Turam. Me kaq shumë incidente kundër nesh, ne arritëm të barazojmë vetëm në minutën e 93-të.

Është e pamundur të mos e japësh atë penallti. Është normale që arbitri në fushë të mos e shohë, por ata që janë ulur para ekranit nuk mund ta injoronin. Po bëhet e 4-ta ose e 5-ta herë që Inter-i dëmtohet. Me rastet tona bëjnë emisione të tëra”, deklaroi Inzaghi.

Në anën tjetër, trajneri i Milan-it, Sergio Conceicao, kishte një qasje më të qetë dhe analitike pas ndeshjes. Ai pranoi se ekipi i tij kishte hapësira për përmirësim, veçanërisht në aspektin e presingut dhe posedimit të topit, por vlerësoi karakterin e treguar nga lojtarët e tij.

“E rëndësishme ishte që ekipi tregoi karakter dhe dëshirë për të fituar. Në pjesën e parë u përpoqëm të bënim presing më lart, por jo të gjithë e bënë njësoj. Rikuperimi që bëri Abraham çoi në gol, por më pëlqen që presingu të bëhet edhe më lart, 20 metra përpara.

Është folur shumë, disa gjëra nuk janë absolutisht të vërteta. Do të më duheshin karakteristika të tjera në mesfushë. Anësori ynë i djathtë, kur mbronim më thellë, vendosej në vijën e mbrojtjes. Unë vendosa Himenez në krah dhe Musah brenda. Sa i përket lojës, duhej të bënim gjëra të ndryshme: duhet të kemi kokën e duhur, ne jemi te Milan-i dhe lojtarët duhet të marrin përgjegjësinë në fushë duke pasur më shumë posedim të topit dhe duke mos lejuar që kundërshtari të shkojë shumë herë në portë. Unë kam pasur gjithmonë një ekip të tillë dhe koha është e shkurtër. Është folur edhe për të ardhmen time. Kam një muaj këtu, i kam ende valixhet në Milanelo. Ka momente kur Leao është shumë i fortë teknikisht, por ka edhe raste kur duhet të kuptojë se është pjesë e një kolektivi dhe të japë më shumë kontribut. Nëse arrin ta bëjë këtë, ai mund të jetë një nga lojtarët më të mirë në botë", deklaroi Conceicao.

Barazimi 1-1 lë një shije të hidhur për të dyja skuadrat. Milan-i ishte shumë pranë fitores, por e humbi avantazhin në minutat e fundit, ndërsa tek Inter-i mendojnë se meritonin më shumë nga kjo ndeshje dhe ndihen të vjedhur nga arbitrimi.