web counter
LEXO PA REKLAMA!

SHKARKO APP

App Store
Google Play

E fundit!

x

Gjimshiti nuk mjafton, tjetër hap fals nga Atalanta

1 Shkurt 2025, 20:23, Sport CNA

Gjimshiti nuk mjafton, tjetër hap fals nga Atalanta

Atalanta vazhdon të zhgënjejë në kampionat. Skuadra zikaltër regjistroi barazimin e katërt në gjahstë ndeshjet e fundit.

Bergamaskët u ndalën në shtëpi nga Torino me rezultatin 1-1. Një hap fals për Atalantën në garën për titullin kampion, ku duket se tashmë janë dorëzuar.

Vendasit e nisën shumë mirë ndeshjen ndërsa kaluan të parët në avantazh. Në minutën e 35-të, ishte Berat Gjimshiti, që zhbllokoi takimin.

Pas një goditje këndi, kapiteni i Shqipëri kërceu mbi të gjithë, për të shënuar me kokë. Ky ishte goli i parë sezonal për Gjimshitin në Serinë A. Festa ishte e madhe tek Atalanta, por zgjati shumë pak.

Vetëm 5 minuta më vonë, Maripan barazoi shifrat për miqtë. Në fraksionin e dytë, Atalanta kishte një mundësi të artë për të rikthyer avantazhin në favor.

Skuadra zikaltër fitoi një penallti në minutën e 74-t, të cilën e mori përsipër për ta ekzekutuar Retegui. Sulmuesi italian nuk shënoi dot, çka i mohoi edhe fitoren ekipit të tij.

Me këtë barazim, Atalanta mban vendin e tretë me 47 pikë, ndërsa humb terren në luftën për titull. Napoli kryesues ndodhet në kuotën e 53 pikëve, ndërsa ka edhe një ndeshje më shumë për të luajtur.

Më herët, Udinese triumfoi me rezultatin 3-2 ndaj Venezias në shtëpi. Ishte një përballje spektakolare dhe emocionuese, me të gjithë golat që u shënuan në pjesën e dytë.

Lucca zhbllokoi rezultatin në minutën e 47-të, ndërsa 5 minuta më vonë, Lovric dyfishoi shifrat për Udinesen. Megjithatë, miqtë nuk u dorëzuan dhe barazuan, falë golave të Caviglia në minutën e 64-t dhe Gitkjaer në minutën e 78-të.

Golin e fitores për vendasit e realizoi Bravo në minutën e 84-t. Kjo fitore e mban Udinezen në vendin e 10-të me 29 pikë, ndërsa Venecia renditet e parafundit me 16 pikë.

Fitore të rëndësishme mori edhe Verona, që triumfoi minimalisht ndaj Monzës.





Lajmet e fundit nga