web counter
LEXO PA REKLAMA!

SHKARKO APP

App Store
Google Play

E fundit!

x

Pogba përgatit rikthimin në fushë, drejt rivalëve të Juventus-it

12 Shkurt 2025, 14:40, Sport CNA

Pogba përgatit rikthimin në fushë, drejt rivalëve të

Pas një periudhe të gjatë larg fushave për shkak të pezullimit për doping, Paul Pogba është gati për një tjetër kapitull në karrierën e tij. Mesfushori francez është pranë rikthimit në futbollin italian, me Fiorentina-n që duket e gatshme t’i ofrojë një mundësi për t’u ringritur.

Sipas raportimeve nga “Fiçajes”, Fiorentina po përgatitet të bëjë një lëvizje të guximshme për të nënshkruar me Pogba-në, duke parë tek ai një lojtar që mund të sjellë përvojë, cilësi dhe një mentalitet fitues. Në Firence, një transferim i mundshëm i Pogba-së ka gjeneruar emocione të mëdha, pasi klubi ka një histori të fundit të suksesshme në rikthimin e lojtarëve që, për një arsye apo tjetër, janë larguar nga nivelet më të larta të futbollit.

Një shembull i qartë i kësaj është rasti i David de Gea-s. Portieri spanjoll, i cili kishte kaluar një periudhë të gjatë pa skuadër pas largimit nga Manchester United, u bashkua me Fiorentina-n dhe ka bërë një rikthim të jashtëzakonshëm, duke tërhequr sërish vëmendjen e klubeve të mëdha evropiane. Te Fiorentina besojnë se Pogba mund të ndjekë të njëjtën rrugë, duke u rikthyer në formën e tij më të mirë dhe duke sjellë vlerë të madhe në mesfushën e ekipit.

Fitues i Kupës së Botës me Francën, një nga lojtarët më të rëndësishëm të Juventus-it gjatë periudhës së tij të parë në Torino dhe një figurë kyçe për Junajtid në periudha të ndryshme, Pogba ka demonstruar se në formën e tij më të mirë, ai mund të jetë një nga mesfushorët më të kompletuar në botë.

Te Fiorentina ai mund të sjellë përvojën, vizionin dhe kreativitetin që do ta ndihmonin skuadrën në garat kombëtare dhe ndërkombëtare. Seria A është një kampionat që ai e njeh shumë mirë, ndaj një rikthim në këtë ligë mund të jetë mënyra më e mirë për të rifituar shkëlqimin e tij.

Bordi drejtues i Fiorentina-s e sheh këtë marrëveshje si një përforcim strategjik. Duke marrë parasysh mënyrën se si klubi ka ditur të rigjallërojë lojtarët në të kaluarën, ata kanë besim se edhe Pogba mund të ndjekë të njëjtën rrugë. Nëse negociatat përparojnë dhe Pogba vendos të bashkohet me skuadrën, kjo lëvizje do të bëhej një nga më të përfolurat e merkatos.

Te Fiorentina janë të bindur se me një trajtim të kujdesshëm dhe një program të personalizuar për rikuperimin e tij fizik, Pogba mund të rikthehet në një nivel të lartë dhe të ndihmojë skuadrën të synojë sukses në Serinë A dhe Evropë.





Lajmet e fundit nga