web counter
LEXO PA REKLAMA!

SHKARKO APP

App Store
Google Play

E fundit!

x

Champions League/ Spikat Celtic-Bayern dhe Feyenoord-Milan, mësoni përballjet

12 Shkurt 2025, 14:03, Sport CNA

Champions League/ Spikat Celtic-Bayern dhe Feyenoord-Milan, mësoni

Mbrëmjen e kësaj të mërkure do të luhen katër ndeshjet e radhës në Ligën e Kampioneve, të vlefshme për fazën “play off”.

Bayern Munich luan në transfertën skoceze ndaj Celtic. Gjermanët vijnë si favoritë absolutë në këtë përballje, por fjalën e fundit do ta thotë fusha e lojës.

Pritet një përballje e bukur dhe e luftuar nga të dyja ekipet, që synojnë fitoren për të avancuar më tej.

Të dyja skuadrat vijnë në formë të mirë, me disa fitore radhazi dhe për këtë arsye spektakli është i garantuar.

Ndeshje interesante është edhe ajo mes Milan-it dhe Feyenoord-it. Përballja do të zhvillohet në Holandë, aty ku italianët kërkojnë triumfin.

Humbja e fundit ndaj Dinamo Zagreb, që i la kuqezinjtë jashtë tetëshes së parë, ka lënë një shije të hidhur dhe për këtë arsye kërkohet reagimi me çdo kusht.

Sfida e kthimit do të luhet në Itali pas një jave, por te Milan-i duan rezultat pozitiv që në ndeshjen e parë.

Në krahun tjetër, Feyenoord vjen me ndryshime në këtë përballje, pasi ka shkarkuar trajnerin Brian Priske.

Përballje spektakolare pritet të jetë edhe Monaco-Benfika, dy ekipe që njihen për lojën e hapur që bëjnë.

Këto përballje do të luhen në orën 21:00, ndërsa 3 orë më herët, Atalanta luan në një transfertë delikate me Club Brugge.

Belgët janë treguar kockë e fortë dhe të njëjtën gjë do të kërkojnë të bëjnë ndaj zikaltërve.





Lajmet e fundit nga