web counter
LEXO PA REKLAMA!

SHKARKO APP

Pakënaqësi te Partizani, kapiteni ndahet zyrtarisht me "Demat e Kuq"

13 Korrik 2023, 14:33, Sport CNA

Pakënaqësi te Partizani, kapiteni ndahet zyrtarisht me "Demat e

Bruno Telushi nuk është më pjesë e skuadrës së Partizanit. Mesfushori i të kuqve është larguar përfundimisht nga skuadra, pas tensionit që ka pasur me trajnerin zoran Zekiç pas ndeshjes në Champions.

Bruno Telushi ka qenë i pakënaqur për mosaktivizimin si titullar në këtë takim dhe pas ndeshjes ai ka shfaqur nervozizëm. Trajneri Zoran Zekiç nuk e ka pritur mirë sjelljen e Telushit dhe ka dashur që ta bëjë shembull, teksa ka ardhur njoftimi se Telushi largohet nga skuadra pak javë pasi kishte rinovuar kontratën.

"Partizani njofton mbylljen e bashkëpunimit me Bruno Telushin. Mesfushori dhe klubi kanë vendosur të ndërpresin me mirëkuptim kontratën mes tyre.

Falënderojmë Bruno Telushin për kontributin e dhënë në këtë sezon, ku për një pjesë të ndeshjeve mbajti edhe shiritin e kapitenit. Klubi i uron shumë suksese Telushit në vazhdim të karrierës së tij".





Lajmet e fundit nga