web counter
LEXO PA REKLAMA!

SHKARKO APP

App Store
Google Play

E fundit!

x

Formacioni anti-Dinamo/ Nga Hoxhallari deri te tredhëmbëshi i frikshëm në sulm, Orges Shehi zgjedh titullarët

13 Korrik 2023, 09:23, Sport CNA

Formacioni anti-Dinamo/ Nga Hoxhallari deri te tredhëmbëshi i

Tirana do të përballet ditën e sotme me Dinamo Batumin në orën 20:00 në "Air Albania", ndeshje e vlefshme për raundin e parë kualifikues në Conference League. Bardheblutë synojnë fitoren përpara tifozëve të tyre për të shkuar më pas të avantazhuar në ndeshjen e kthimit ku synohet vetëm kualifikimi.

Trajneri Shehi ka stërvitur prej javësh një ekip të plotë të dubluar në çdo pozicion, diçka që mungonte në sezonin që u mbyll. Afrimet janë të shumta dhe të gjithë emra cilësorë që synojnë vendet titullare, shkurt Shehi do të ketë disa halle ‘luksi’ për të zgjidhur.

Porta dhe mbrojtja duken të kyçura me Selmanin në katërkëndësh dhe Dokën, Najdovskin, Hoxhallarin dhe Micin para tij. Ish-kapiteni ishte në dyshim për këtë sfidë por në stërvitjet e fundit duket se ka kapur ritmin e shokëve dhe do të ‘debutojë’ sonte nga minuta e parë.

Mesfusha ka dilemat e saj. Deliu dhe Jonuzi duken të sigurt drejt formacionit duke parë edhe karakteristikat e tyre të lojës. Por, balotazhi qëndron sërish te 10-shi, Lushkja apo Hila? Në stërvitjet e fundit duket se Hila ka një avantazh më shumë, por mbetet të zbulohet vetëm 1 orë para ndeshjes.

Sulmi është një repart i frikshëm. Treshja fantastike, Hasani, Abazaj dhe Latifi do të jenë tredhëmbëshi bardheblu në Evropë.

Tirana (4-3-3): Selmani; Doka, Najdovski, Hoxhallari, Mici; Deliu, Jonuzi, Hila(Lushkja); Hasani, Abazaj, Latifi.
Trajner: Orges Shehi





Lajmet e fundit nga