E fundit!

12:57 Kronika

Pamje nga vendngjarja/ Ja ku ndodhi vrasja e efektivit në Maliq

Disa pamje të siguruara nga CNA tregojnë zonën ku ndodhi n...

Gvozdenoviç zbardh planin e merkatos: Pres edhe 4 afrime

12 Korrik 2023, 22:24, Sport CNA

Skënderbeu pret edhe 7 lojtarë për të plotësuar organikën për elitën. Bashkë me futbollistët që ka momentalisht nën urdhra, Ivan Gvozdenoviç i ka ende sytë nga merkatoja… Pasi të vijnë që të gjithë, nga bardhekuqtë do të ketë edhe largime.

Është domosdoshmëri kjo gjë, për të bërë vend për përforcimet e reja. Burime pranë klubit korçar bëjnë me dije për gazetën, se veç tre futbollistëve që janë nën kontratë tashmë (si Randi Dumfur, Zhordan Fleçer dhe Alfred Mensah), do të afrohen edhe katër të tjerë.

Një gjë të tillë e konfirmon edhe trajneri i bardhekuqve. Gjatë një deklarate të dhënë për “Panorama Sport”, Ivan Gvozdenoviç paralajmëron se ekipi do të plotësohet nga mesi i këtij muaji. Vetëm pasi të ketë “puzlle”-in e qartë, do të fillojë në terren puna për të përgatitur plotësisht ekipin e sezonit të ri.

“Jemi në fazën e parë të përgatitjeve dhe merkatoja ende është në vijim për të përforcuar më tej grupin. Nuk jemi ende të plotë, ndaj presim afrimet e tjera në ekip. Vetëm atëherë do të fillojmë në terren zbatimin e skemave tona për sezonin e ardhshëm.

Në dijeninë time, për sa kam komunikuar me klubin, javën tjetër do t’i bashkohen ekipit Randi Dumfur dhe Zhordan Fleçer, ndërsa Alfred Mensah mund të vijë pasi të mbyllë aventurën me Partizanin. Veç këtyre tri afrimeve, që tashmë janë zyrtare, presim edhe dy mbrojtës dhe dy mesfushorë. Kështu, mund të quhemi të kompletuar në të gjitha repartet”, theksoi numri një i stolit të Skënderbeut.

I ndalur më pas te përgjigjet e marra nga testi miqësor i zhvilluar, 44-vjeçari shpreh besim të plotë tek elementët e përzgjedhur, dhe faktin që ata do të japin maksimumin, ndaj po i bën zgjedhjet me kujdes. Për të e rëndësishme është që nuk pati probleme fizike dhe grupi reagoi mirë, pavarësisht ngarkesës. “Ishte një test brenda grupit për të parë më shumë se si është ekipi fizikisht.

Nuk mund të dal në përfundime të nxituara, ndaj po kërkoj kohë për të parë çdo lojtar me detaje. Jam i kënaqur që nuk patëm dëmtime dhe ekipi iu përgjigj mirë kërkesave të mia. Jemi në fazën e parë të punës dhe për momentin këto janë më të rëndësishmet. Ndeshja miqësore që do të kemi me Vorska Sport, do të jetë ndoshta përcaktuese mbi ata futbollistë që do të vijojnë të jenë pjesë e organikës dhe cilët do të largohen”, përfundoi serbi.