web counter
LEXO PA REKLAMA!

SHKARKO APP

App Store
Google Play

E fundit!

x

Najdovski i bindur: Tirana në turin e dytë, do fitojmë edhe titullin kampion

12 Korrik 2023, 17:18, Sport CNA

Filip Najdovski ka folur para ndeshjes së Tiranës kundër Dinamo Batum, e vlefshme për turin e parë të Conference League. Qendërmbrojtësi i bardhebluve u shpreh i bindur se nënkampionët janë gati për të dhënë maksimumin në takimin e nesërm. Para gazetarëve, Najdovski tha:

“Unë do të doja që të përsëritej ndeshja e parë që kam luajtur si zyrtare. Mendoj se Dinamo Batum ka një skuadër cilësore dhe një nga më të fortat në Gjeorgji. Kemi respekt maksimal për kundërshtarin. Ne do të kalojmë në raundin e dytë të Conference League. Do ta shihni nesër se si do të kalojmë më tej dhe në ndeshjen e kthimit.

Është një përparësi e madhe që e kanë nisur kampionatin dhe janë në krye. Por, unë mendoj se Tirana është shumë herë më e mirë se Batumi, sa i përket futbollistëve. Mendoj se jemi përgatitur shumë mirë dhe nuk do të kemi asnjë problem në aspektin teknik.

Superliga dhe titulli i humbur? Tani kemi vetëm një qëllim dhe është Batumi. Ka kohë për Superligën. Por, sigurisht që ne do ta kthejmë titullin në shtëpi.

Hoxhallari? Mund të them që është më i miri që kam luajtur në linjë me të dhe jam shumë i lumtur për këtë fakt”, tha ai.

Ndeshja Tirana – Dinamo Batum do të zhvillohet në orën 20:45 në stadiumin “Air Albania” në kryeqytet.





Lajmet e fundit nga