web counter
LEXO PA REKLAMA!

SHKARKO APP

App Store
Google Play

Formula e re e Superiores, “një minierë ari” për klubet

11 Korrik 2023, 22:56, Sport CNA

Formula e re e Superiores, “një minierë ari” për

Formula e re e sezonit të Kategorisë Superiore të Kampionatit Kombëtar të Futbollit shihet si një mundësi e artë për të rritur interesin, por edhe të ardhurat financiare. Burime zyrtare në Federatën Shqiptare të Futbollit ka konfirmuar për Rrjetin e Radio-Televizionit Shqiptar se është adoptuar modeli belg dhe, që këtë vit dhuroi një të papritur, pasi Antverpi i vendit të 3-të në sezonin e rregullt u shpall “kampion”, pasi triumfoi në fazën e shtuar të “play-off”-it, apo thënë ndryshe “4-shes finale”, që u luajt në trajtën e një grupi.

I vetmi avantazh që do të ketë skuadra që do ta mbyllë sezonin e rregullt në vendin e parë, është që do të përfitojë shpërblimin tradicional prej 10 milionë lekësh dhe, nëse fazën shtesë e mbyll në krye me pikë të barabarta me një ekip tjetër, shpallet automatikisht “kampion”. Ndërkohë, në FSHF e shohin fazën e “play-off”-it si një minierë ari, pasi në 12 ndeshjet që do të luhen në Stadiumin 22,000-vendësh “Arena Kombëtare” në kryeqytet, synohet të shiten mesatarisht 10,000-12,000 bileta për çdo ndeshje.

Të ardhurat nga biletat, por edhe të ardhurat nga e drejta televizive, që do të shitet “veçmas”, si dhe ato nga reklamat dhe partnerët mediatikë, përllogariten sipas burimeve zyrtare në organizmin që qeveris futbollin në vend, të kapin shifrën e 200 milionë lekëve. Ky fond do të ndahet në masën 60% me 40 % ose 70 % me 30 % midis 10 skuadrave të Kategorisë Superiore, me 4 të parat që do të ndajnë pjesën “e luanit” dhe me 6 të tjerat që do të ndajnë pjesën tjetër në trajtën e fondit të solidaritetit.





Lajmet e fundit nga