LIVE PARTIZANI-BATE BORISOV/ Starton sfida, mësoni çfarë ndodh në kohë reale

11 Korrik 2023, 20:47, Sport CNA

LIVE PARTIZANI-BATE BORISOV/ Starton sfida, mësoni çfarë ndodh

Partizani luan sot në “Air Albania” ndeshjen e turit të parë kualifikues të Ligës së Kampioneve ndaj BATE Borisov. Të kuqtë duan me çdo kusht një rezultat pozitiv, teksa synojnë që të kalojën turin përballë skuadrës bjelloruse.

Trajneri Zoran Zekiç e ka nisur me disa surpriza ndeshjen e sotme. Kështu, bie në sy aktivizimi i Sembene nga minuta e parë në mbrojtje, ashtu si edhe i Mehmetit në mesfushë. Në portë, nga minuta e parë luan Qirko, i cili gradohet titullar pas largimit të Rexhepit.

LIVE PARTIZANI-BATE 1-1
68′ Cara / 58′ Antilevski

NGJARJET KRYESORE

75’ Shtylla nuk ndihmon të kuqtë! Murataj tenton me një goditje spektakolare, por ndalet nga shtylla që i mohon golin e përmbysjes.

71’ Zekiç bën lëvizjet e para duke larguar nga fusha Mba e Da Silva, për të aktivizuar Mensah dhe Grezdën.

68’ GOOOL PARTIZANI! Pas një goditje nga këndi, topi shkon te Murataj i cili e çon te Cara, me këtë të fundit që tund rrjetën.

62’ Cara tenton të reagojë me një driblim të jashtëzakonshëm në krahun e majtë, por mbyllet më pas nga mbrojtësit në momentin e pasimit në zonë.

58’ Të pafat të kuqtë! Pas një harkimi nga e djathta, Qirko ndaj gjuajtjen e Malkeviç me kokë e pastaj Antilevski dërgon sferën në rrjetë.

56’ Ndeshja ka një ritëm më të ulët se në pjesën e parë, pasi mungojnë hapësirat në zonë. Megjithatë, është Partizani që vazhdon të ketë kontrollin e plotë të lojës.

52’ Hadroj tenton një harkim nga e djathta, gabon plotësisht shënjestrën e tij duke çuar sferën mbi traversë.

48’ Të kuqtë kërkojnë penallti për prekje topi me dorë në krahun e majtë të sulmit. Gjyqtari bën shenjë që loja të vazhdojë dhe në fakt prekja është jashtë zonës ndaj VAR nuk mund të ndërhyjë.

46’ Nis pjesa e dytë pa zëvendësime në radhët e dy ekipeve.

45’+4’ Mbyllet pa gola pjesa e parë e sfidës.

45′ Jepen 3 minuta shtesë.

45’ Mba niset në një kundërsulm të shpejtë dhe detyron Greçikho që ta ndalë në mënyrë të parregullt, teksa ky i fundit përfundon në listën e të ndëshkuarve me karton të verdhë.

44’ Rrapaj bën një ndërhyrje të gabuar në mesfushë ndaj Kadarkeviç dhe ndëshkohet me karton të verdhë.

41’ Rrapaj provon nga distanca, Kudravets është në pozicion duke mbërthyer topin.

36’ BATE është kthyer në mbrojtje për t’i dhënë fund epërsisë së dukshme të Partizanit që rrezikoi disa herë duke iu afruar golit.

29′ Nga goditja e këndit vjen një harkim që gjen Da Silva në zonë, por gjuajtja e këtij të fundit nuk gjen rrjetën e Kudravets.

28’ Mba rrotullohet përsëri dhe gjuan drejt portës, pro sfera devijohet edhe një herë jashtë në këndore.

26’ Pas një harkimi në zonë, Mba dhe Mehmeti tentojnë të gjuajnë për të gjetur golin, por asnjëri nuk gjen devijimin e duhur dhe më pas sfera shkon në këndore.

23’ Mba merr topin në zonë dhe rrotullohet, duke lëshuar një gjuajtje të shpejtë e cila devijohet mbi traversë.

20’ Murataj vjedh topin para zonës së BATE dhe tenton me një gjuajtje të fortë, por sfera nuk i bindet dhe përfundon jashtë.

19’ Është i njëjti lojtar, Kontsevoi i cili provon me një diagonale nga e majta, duke çuar këtë herë sferën mbi traversë.

17’ Kontsevoi i afrohet golit për bjellorusët, pasi shpërthen në krahun e majtë dhe gjuan para Qirkos, pa gjetur katërkëndorin e të kuqve.

16’ Minuta që flasin vetëm për të kuqtë, të cilët sulmojnë me vrull dhe po mundohen që të gjejnë golin e avantazhit me tentativat radhazi te Rrapajt dhe Mba.

12’ Rrapaj gjen Muratajn në të djathtë, pasimi i këtij të fundit në qendër nuk gjen Carën pasi ndërhyn portieri Kudravets.

11’ Edhe Boçerov nga ana tjetër provon të gjejë portën me një gjuajtje nga distanca, por gjen Qirkon në pozicion.

10’ Tjetër gjuajtje e Carës nga jashtë zonës, këtë herë sfera përfundon në duart e portierit mik.

5’ Kundërsulm i shpejtë i Carës i cili niset drejt portës por shtyn topin më shumë se duhet dhe i mundëson portierit që të mbërthejë sferën.

4’ Greçiko me shpejtësi kalon mes mbrojtësve dhe detyrohet Hadroj që të kthehet që të mbyllë hapësirën para zonës së tij.

2’ Top në thellësi i bjellorusëve, Qirko del dhe mbërthen sferën.

1’ Nis dueli në “Air Albania”.

FORMACIONET ZYRTARE