web counter
LEXO PA REKLAMA!

SHKARKO APP

App Store
Google Play

“Parajsa dhe ferri” i Zhegrovës/ I jep fitoren Lille-s, por largohet nga fusha i dëmtuar (video)

24 Nëntor 2024, 17:16, Sport CNA
“Parajsa dhe ferri” i Zhegrovës/ I jep fitoren Lille-s, por
Edon Zhegrova

Edon Zhegrova është kthyer në protagonist të padiskutuar te skuadra e Lille.

Sulmuesi i përfaqësueses së Kosovës i dhuroi ekipit të tij 3 pikët në përballjen ndaj Rennes këtë të shtunë.

Ndeshja e javës së 12-të të Ligue 1 u mbyll me rezultatin 1-0, me golin e vetëm të kësaj sfide që u shënua nga Zhegrova në minutën e 45’.

I asistuar nga Jonathan David, sulmuesi “dardan” gjeti rrugën drejt rrjetës dhe i dha avantazhin, por njëkohësisht edhe fitoren skuadrë së Lille.

25-vjeçari zhvilloi një sfidë shumë të mirë për plotë 87 minuta, teksa u detyrua që të zëvendësohej në minutën e 87’ për shkak të një dëmtimi, duke trembur trajnerin Genesio.

Në fund gjithçka u mbyll me rezultatin 1-0, me Lille që momentalisht renditet në vend të katërt me 22 pikë, teksa Rennes renditet në vend të 15-të të Ligue 1 me 11 pikë.

Vlen të theksohet se ky është goli i katërt i Edon Zhegrovës për këtë sezon të Ligue 1, teksa në nëntë ndeshje ka dhuruar edhe një asist.

Megjithatë, pas ndeshjes, te Lille tashmë të gjithë janë në ankth, për të mësuar se sa i rëndë mund të jetë dëmtimi i Edon Zhegrovës./CNA

 





Lajmet e fundit nga