web counter
LEXO PA REKLAMA!

SHKARKO APP

App Store
Google Play

Inaugurohet fusha e re në stadiumin “Luftëtari”, Dervishaj: Një premtim i mbajtur i FSHF-së

24 Nëntor 2024, 15:35, Sport CNA
Inaugurohet fusha e re në stadiumin “Luftëtari”,
Luftëtari

Fusha me bar natyral në stadiumin “Luftëtari” në Gjirokastër është inauguruar sot me sukses. Para nisjes së ndeshjes AF Luftëtari – Delvina, u mbajt ceremonia e përurimit të fushës me bar natyral, një investim i përbashkët i Federatës së Futbollit dhe Bashkisë Gjirokastër.

Në këtë ceremoni morën pjesë Zv. Presidenti i FSHF-së, Arben Dervishaj, dhe kryetari i Bashkisë Gjirokastër, Flamur Golemi.

Në fjalën e tij përshëndetëse, Zv. Presidenti i FSHF-së, Arben Dervishaj, tha se investimi në stadiumin e Gjirokastrës është një premtim i mbajtur nga Federata e Futbollit dhe Presidenti Armand Duka. Gjithashtu, ai shtoi se Federata e Futbollit në Gjirokastër do të ndërtojë edhe dy fusha të tjera stërvitore.

“Investimi në stadiumin e Gjirokastrës është një premtim i mbajtur nga Federata Shqiptare e Futbollit dhe Presidenti Duka. Më në fund, skuadra e Luftëtarit do të luajë ndeshjet në një fushë të cilësisë së lartë, njësoj si stadiumet elitare. Ndërkaq, investimet në këtë stadium do të vijojnë me rikonstruksionin e dhomave të zhveshjes dhe pajisjen me stola. Ky nuk është investimi i vetëm i FSHF-së në këtë qytet, pasi në bashkëpunim me Bashkinë e Gjirokastrës kemi projekte për të ndërtuar dy fusha të tjera stërvitore,” tha Zv. Presidenti i FSHF-së, Arben Dervishaj.

Kryetari i Bashkisë Gjirokastër, Flamur Golemi, vlerësoi bashkëpunimin e suksesshëm me FSHF-në dhe shtoi se ky investim do të ndihmojë në rritjen e cilësisë së futbollit në qytet.

Investimi në stadiumin “Luftëtari” të Gjirokastrës është në kuadër të projektit “100 fusha”, dhe tani punimet në stadium do të vijojnë për rikonstruksionin e dhomave të zhveshjes dhe tribunave të stadiumit./CNA 





Lajmet e fundit nga