web counter
LEXO PA REKLAMA!

SHKARKO APP

App Store
Google Play

Magani: Ndeshje me rivalitet ndaj Elbasanit, i kemi të gjitha si finale

23 Nëntor 2024, 20:59, Sport CNA

Magani: Ndeshje me rivalitet ndaj Elbasanit, i kemi të gjitha si finale

Tirana përballet të dielën me Elbasanin në ndeshjen e vlefshme për javën e 14-të në Superiore.

Pas fitores 4-0 ndaj Bylisit, bardheblutë do të kërkojnë një tjetër sukses në kampionat, ndonëse e dinë se përballë është një kundërshtar i vështirë.

Pritet të jetë një ndeshje shumë e bukur, por edhe e luftuar, për shkak të rivalitetit mes dy skuadrave.

Këtë e pranoi edhe trajneri i Tiranës, Gugash Magani, në prononcimin e dhënë para ndeshjes. Magani theksoi se Tirana i ka të gjitha ndeshjet si finale dhe synohet vetëm fitorja, ndërsa zbuloi edhe mungesat që do të ketë.

"Të gjithë ndeshjet e Superiores janë të vështira. Me Elbasanin do të jetë një ndeshje shumë e luftuar për shkak të rivalitetit që kanë pasur të dy skuadrat gjatë gjithë kohëve. Luajnë në Elbasan, me një tifozeri që gjithmonë ka pasur rivalitet sportiv me tifozët e Tiranës, ndaj mendoj se do të jetë një shfaqje për t’u parë.

Për pozitat që jemi në tabelën e klasifikimit, Tirana i ka të gjitha ndeshjet finale, edhe për shkak të objektivave që ka klubi. Ndeshja është e vështirë, por nuk është e pamundur. Ne do të futemi në lojë për të marrë maksimumin e pikëve, por mbetet për t’u parë. Do jetë një 90 minutësh që duhet menaxhuar mirë.

Nga ndeshja a fundit kemi një mungesë të sigurt që është Meta, lojtar që është dëmtuar me Bylis. Vazhdon të jetë i dëmtuar edhe Prengaj. Pjesa tjetër e grupit është e gatshme për të dhënë më të mirën në fushë”, deklaroi Magani. 

Ndeshja Elbasani-Tirana, është planifikuar të luhet këtë të diel, duke nisur nga ora 17:00, në stadiumin “Elbasan Arena”.





Lajmet e fundit nga