web counter
LEXO PA REKLAMA!

SHKARKO APP

Rikthehet Superliga e Kosovës/ Malisheva mposht Dukagjinin, Gjilani bën detyrën ndaj Feronikelit

23 Nëntor 2024, 15:00, Sport CNA
Rikthehet Superliga e Kosovës/ Malisheva mposht Dukagjinin, Gjilani
Gjilani

Këtë të shtunë nisi java e 14-të e Superligës së Kosovës, që kishte rezervuar dy takime për sot.

Malisheva fitoi me rezultatin 2-1 ndaj Dukagjinit, në një sfidë që rezultoi shumë e luftuar.

Hazrollaj zhbllokoi sfidën në minutën e 19’ dhe kaloi vendasit në avantazh, teksa Solomon barazoi për miqtë me golin e shënuar në minutën e 43’.

Ky takim u vulos në minutën e 56’, kur Xhylani shënoi golin e fitores për skuadrën e Malishevës.

Në fund 2-1 dhe Malisheva renditet momentalisht në vend të tretë me 25 pikë, teksa Dukagjini në vend të shtatë me 17 pikë.

Ndërkohë në sfidën tjetër, Gjilani mori një fitore të pastër në transfertën e Feronikelit.

Ky takim u mbyll me rezultatin 0-3, me Jarovic që zhbllokoi rezultatin me golin e minutës së 10’.

Bilalli shënoi golin e dytë për miqtë në minutën e 21’, teksa Ndjigi vulosi takimin me golin e minutës së 64’.

Pas javës së 14-të, Feronikeli renditet në vend të 10-të me tre pikë, teksa Gjilani në vend të gjashtë me 17 pikë./CNA





Lajmet e fundit nga