web counter
LEXO PA REKLAMA!

SHKARKO APP

App Store
Google Play

E fundit!

x

Luhet sot Milan-Juventus, si flasin statistikat për këto skuadra?

23 Nëntor 2024, 11:20, Sport CNA
Luhet sot Milan-Juventus, si flasin statistikat për këto skuadra?
Milan-Juventus

Milan-Juventus premton spektakël këtë të shtunë në Seria A, në sfidën më të rëndësishme të javës së 13-të në elitën e futbollit Italian.

Milan vjen në këtë ndeshje pas barazimit ndaj Cagliari-t dhe synimi është rikthimi të rezultatet positive.

Ndërkohë, Juventus nga ana tjetër do synojë që të ruajë ecurinë pozitive, pas fitores në javën e fundit të kampionatit ndaj Torino-s.

Sa i përket renditjes në kampionat, “kuqezinjtë” qëndrojnë momentalisht në vend të shtatë me 18 pikë, teksa “bardhezinjtë” në vend të gjashtë me 24 pikë, me asnjërën prej dy skuadrave që nuk ndodhet aty ku synohej para nisjes së sezonit.

Nëse do të hedhin një sy pas te përballjet mes “Djallit” dhe “Zonjës së Vjetër” në të gjitha kompeticonet, në 305 ndeshje, 101 janë fituar nga Milan-i, 114 nga Juventus-i, teksa 90 kanë dalë barazim.

Ndërkohë, sa u përket gjendjeve të ekipeve para kësaj ndeshje, Milan vuan mungesat e Bennacer, Florenzi-t dhe me shumë mundësi edhe të Gabbia-s e Morata-s.

Te Juventus nga ana tjetër janë të dëmtuar Adzic, Bremer, Cabal, Milik, Douglas Luiz, Gonzalez dhe Vlahovic.

Rivaliteti mes këtyre dy ekipeve është i njohur dhe kjo përballje pritet të jetë vërtetë shumë e luftuar.

Milan-Juventus luhet këtë të shtunë, duke nisur nga ora 18:00 në “San Siro”, sfidë e vlefshme për javën e 13-të të Serie A./CNA

 





Lajmet e fundit nga