web counter
LEXO PA REKLAMA!

SHKARKO APP

App Store
Google Play

Haaland: Të gjithë e dimë, Pep është trajneri më i mirë në botë

22 Nëntor 2024, 17:30, Sport CNA
Haaland: Të gjithë e dimë, Pep është trajneri më i
Erling Haaland

Sulmuesi i Manchester City-t, Erling Haaland, ka dhënë së fundmi një prononcim për mediet, ku ka folur ndër të tjera edhe për trajnerin e tij, Pep Guardiola-n.

Norvegjezi deklaroi se tekniku spanjoll është më i miri në botë, ndërsa shton se Guardiola ka besimin e tij të plotë.

"Ai është i qetë. Ne duhet të japim më të mirën tonë sepse ai pret shumë nga ne. Na kërkon të jemi maksimalisht të përqendruar në çdo stërvitje, në çdo ndeshje dhe kjo është ajo që duhet të bëjmë. Duhet të fitojmë ndeshjen e radhës. Pep ka besimin tim të plotë. Nëse më thotë diçka, më mirë ta bëj sepse ai e di më mirë se kushdo tjetër. Jam i sigurt që edhe tani do të gjejë zgjidhje. Ai është trajneri më i mirë në botë dhe besoj se të gjithë e dimë këtë”-u shpreh sulmuesi në prag të ndeshjes me Tottenham-in.

Manchester City-Tottenham do të përballen këtë të shtunë, duke nisur nga ora 18:30, sfidë për llogari të javës së 12-të të Premier League-s.

Në javët e fundit City vuajti mungesën e rezultateve pozitive, teksa momentalisht renditet në vend të dytë të Premier League me 23 pikë, pesë pikë më pak se Liverpool që mban kreun./CNA

 

 





Lajmet e fundit nga