web counter
LEXO PA REKLAMA!

SHKARKO APP

App Store
Google Play

Brdariç: E kemi gati zëvendësuesin e Krymit, Teuta ka përgatitje fizike, do të jetë ndeshje e vështirë

22 Nëntor 2024, 11:46, Sport CNA
Brdariç: E kemi gati zëvendësuesin e Krymit, Teuta ka
Thomas Brdaric

Në prag të ndeshjes Vllaznia-Teuta, që luhet në “Loro Boriçi” këtë të shtunë, duke nisur nga ora 17:00, trajneri i skuadrës shkodrane, Thomas Brdariç, u shpreh se janë gati për rikthimin e kampionatit.

“Superiorja kthehet pas pushimit, me zor po presim për ndeshjen e nesërme. Fillon një fazë e rëndësishme e kampionatit, kemi punuar për të qenë sa më të përgatitur me Teutën, presim ndeshje të fortë fizike dhe psikologjike”, -tha ai si fillim.

Teksa sa i përket dëmtimit të Ardit Krymit, Brdariç shtoi se ai nuk do të jetë i gatshëm për këtë ndeshje.

“Ardit Krymi s'do të jetë i gatshëm për nesër dhe është një problem, u mendua se do të mungonte shumë, por mund të kthehet në fushë më herët. Ai ka shkuar jashtë për të marrë mjekim më të mirë dhe shpresoj të na bashkohet sa më shpejt. Vëmendja ime është te lojtarët që kam të gatshëm dhe janë mjaft kompetitivë. Sala do të zëvendësojë Krymin, është në formën e tij më të mirë, më pëlqen mënyra se si punon, ai dhe disa lojtarë të tjerë janë rritur shumë javët e fundit, na duhen lojtarë të tillë që të punojnë në mbrojtje dhe sulm, sidomos kundër Teutës. Teuta bën presing lart dhe u shton stres ekipeve si Partizanit dhe Skënderbeut. Ne kemi një problem tjetër me Artonin, në gju, dhe do të mungojë për disa kohë, i uroj më të mirën dhe të kthehet sa më shpejt. Për Jagon jam i lumtur, e meritoi rinovimin e kontratës, na jep stabilitet në krahun tonë të majtë. Për Spahinë është djalë i ri dhe duhet të presë kohën e tij,”- shton tekniku i “kuqebluve”.

Ndërkohë, i fokusuar te kundërshtari, Brdariç deklaroi se Teuta bën lojë të mirë dhe ndeshja mes tyre do të jetë e bukur.

“Të gjitha mesazhet nga Teuta janë të çuditshme pasi të gjithë duan 3 pikët, jam i lumtur të takoj Edin dhe Krujën nesër, ky i fundit është shumë i rëndësishëm për Teutën. Marku është rritur shumë, do të jetë një sfidë e mirë nesër, sepse Teuta ka përgatitjen më të mirë fizike në kampionat, mezi pres të luajmë nesër”, -përfundoi trajneri i Vllaznisë./CNA





Lajmet e fundit nga