web counter
LEXO PA REKLAMA!

SHKARKO APP

App Store
Google Play

E fundit!

x

Russell në “pole position”/ Verstappen kërkon titullin në Las Vegas, por niset nga vendi i pestë

23 Nëntor 2024, 11:52, Sport CNA
Russell në “pole position”/ Verstappen kërkon titullin
George Russell

George Russell dhe Mercedes do të nisen të parët në garën e Çmimit të Madh të Las Vegas.

Piloti i Mercedes regjistroi kohën më të shpejtë në provat zyrtare të Formula 1, 1 minutën e 32 sekonda e 312 të mijëtat, duke u pozicionuar në “Pole Position”.

Ndërkohë, Carlos Sainz me Ferrari-n u pozicionuan në vend të dytë me 98 të mijëtat pas britanikut.

Podiumi u plotësua nga piloti i skuderisë Alpine, Gasly, i cili e mbaroi garën e Las Vegas-it i treti.

Sa i përket pilotit të Red Bull, që kërkon fitoren e titullit të këtij sezoni të Formula 1 në garën e Las Vegas, Max Verstappen zhgënjeu në prova, duke u pozicionuar në vend të pestë.

Megjithatë, vlen të theksohet se holandezi e ka treguar tashmë, që kur e kërkon triumfin e një gare, mund t’ja dalë edhe duke u nisur i 17-ti, siç ndodhi në Çmimin e Madh të Brazilit.

Leclerc me Ferrarin u pozicionuan në vend të katërt, Lando Norris me McLaren në vend të gjashtë, Lewis Hamilton me Mercedesin në vend të dhjetë, teksa Alonso dhe makina Aston Martin në vend të 17-të.

Gara e Çmimit të Madh të Las Vegas zhvillohet këtë të dielë, duke nisur nga ora 07:00 e mëngjesit./CNA





Lajmet e fundit nga