web counter
LEXO PA REKLAMA!

SHKARKO APP

App Store
Google Play

Formula 1/ Verstappen kampion bote për herë të katërt, Russell triumfon në Las Vegas

24 Nëntor 2024, 11:04, Sport CNA
Formula 1/ Verstappen kampion bote për herë të katërt,
Max Verstappen

Max Verstappen është zyrtarisht kampion bote i Formula 1 për herë të katërt në histori.  

Piloti i Red Bull e mbylli garën e Las Vegas-it në vend të pestë dhe u sigurua që të mbante pas vetes Lando Norris, për të siguruar triumfin e Formula 1.

George Russell ishte ai që ia doli të triumfonte në Çmimin e Madh të Las Vegas-it, por Verstappen nga ana tjetër fitoi titullin kampion.

Piloti i Mercedes ishte në “pole position” në garën e Las Vegas-it dhe ia doli që të triumfojë në fund, vendin e dytë e mori piloti tjetër i kësaj skuderie, Lewis Hamilton, teksa podiumi u plotësua nga piloti i Ferrarit, Carlos Sainz.

Kampioni i botës, Max Verstappen, me makinën e Red Bull e mbylli këtë garë në vend të pestë, teksa rivali i tij më i madh i këtit edicioni, Lando Norris nuk shkoi më shumë se vendi i gjashtë në këtë garë.

Leclerc e mbylli këtë garë ne vend të katërt, teksa Alonso me makinën Aston Martin u renditën në vend të 11-të.

Kështu në kuotën e 403 pikëve, Verstappen triumfoi në Formula 1, teksa Norris i vendit të dytë ka 340 pikë.

Ndërsa, sa i përket renditjes për konstruktorë, vendin e parë e mban McLaren me 608 pikë, teksa në vend të dytë është Ferrari me 584 pikë./CNA

 





Lajmet e fundit nga