web counter
LEXO PA REKLAMA!

SHKARKO APP

App Store
Google Play

E fundit!

x

Përmend edhe Shqipërinë, Perez “shpërthen” ndaj vendeve që nuk votuan për Vinicius-in

24 Nëntor 2024, 13:51, Sport CNA
Përmend edhe Shqipërinë, Perez “shpërthen” ndaj
Florentino Perez

“Topi i Artë” solli një sërë diskutimesh këtë vit, ndërsa te klubi i Real Madrid-it e bojkotuan, për shkak se u informuan që fituesi nuk do të ishte Vinicius.

Së fundmi në lidhje me këtë çështje ka reaguar edhe presidenti i klubit të “Los Blancos”, Florentino Perez.

Në një prononcim për mediet, numri “një” i Real Madrid-it deklaron se nëse nuk do të votonin gazetarët e disa vendeve, përfshirë edhe Shqipërinë, atëherë fituesi do të ishte Vinicius.

“Ka gazetarë që askush nuk i njeh dhe që kanë votuar këtë vit. Pa votat e gazetarëve nga këto shtete si Shqipëria, Uganda, Namibia dhe Finlanda, Vinicius Jr do ta kishte fituar 'Topin e Artë'. Duhet të pyesni organizatorët e 'Topit të Artë' për kriteret, por është e qartë se ata mund të bëjnë atë që duan pa asnjë kosto”-tha si fillim Perez.

Më tej, Presidenti i madrilenëve theksoi se “Topi i Artë” duhet të votohet nga gazetarë që njerëzit i njohin.

“Do të doja të pyesja 'France Football' dhe 'L’Equipe' nëse ka kuptim të bashkëpunojmë me UEFA-n në këtë moment. 'Topi i Artë' duhet të jetë një çmim i pavarur i votuar nga gazetarë të cilët njerëzit i njohin”,-deklaroi Florentino Perez.

Vinicius ishte emri më i përfolur për të marrë “Topin e Artë”, por në fund ishte Rodri ai që u vlerësua si futbollisti më i mirë./CNA

 





Lajmet e fundit nga