web counter
LEXO PA REKLAMA!

SHKARKO APP

App Store
Google Play

E fundit!

x

Asllani bind Inzaghi-n: Jam rritur pas dëmtimit, kritikat i kthej në forcë

24 Nëntor 2024, 15:49, Sport CNA

Asllani bind Inzaghi-n: Jam rritur pas dëmtimit, kritikat i kthej në

Kristjan Asllani u rikthye të luajë një ndeshje si titullar te Interi dhe shkëlqeu me kampionët e Italisë, në fitoren me “manita” ndaj Hellas Veronës.

Mesfushori shqiptar ishte një nga më të mirët në fushë, ndërsa dha asist te goli i katërt, i shënuar nga mbrojtësi De Vrij.

Me paraqitjen e treguar, Asllani duket se ka fituar edhe simpatinë e trajnerit Simone Inzaghi.

Pas sfidës, tekniku i Interit pranoi se ka besim të madh te 22-vjeçari, sidomos pas performanës së mirë edhe me kombëtaren shqiptare.

Vetë Asllani, në prononcimin e dhënë pas ndeshjes, deklaroi se është i lumtur që luajti për të gjithë ndeshjes. Mesfushori deklaroi se pas dëmtimit është rritur shumë dhe nuk ndikohet nga kritikat.

“Jam i lumtur për 90 minutat në fushë. Ndeshjet që luajta me kombëtaren ishin të dobishme. Jam i kënaqur me asistin dhe me tre pikët, të cilat janë jetike. Jam rritur shumë sidomos pas dëmtimit. Në fillim lexoja kritikat dhe dekurajohesha, teksa tashmë kam mësuar të mos i lexoj si diçka të tillë, por t’i kthej në forcë”, deklaroi Asllani.

Shqiptari ishte një nga më të mirët në fushë dhe kjo konfirmohet nga nota e lartë që mori nga faqet e specializuara të statistikave.

Asllani u vlerësua me notën 7.9, duke konfirmuar edhe njëherë se e zëvendësoi në mënyrë të shkëlqyer të dëmtuarin Hakan Çalhanoglu.





Lajmet e fundit nga