web counter
LEXO PA REKLAMA!

SHKARKO APP

App Store
Google Play

Ofertë konkrete për “modelin” e Arsenalit, kapiteni i Milanit mes milionave dhe zemrës

4 Korrik 2022, 12:27, Sport CNA

Hector Bellerin ka zhvilluar një sezon të mirë te Real Betis, por spanjollët e kanë të vështirë ta mbajnë në ekip mbrojtësin e krahut që është nën kontratë me Arsenalin.

Paga e tij e lartë është e papërballueshme për klubin nga Andaluzia, ndërkohë që për Bellerin është interesuar gjatë kësaj periudhe edhe Atletiko Madrid.

Tani në listën e klubeve që e duan mbrojtësin është shtuar edhe Vijareal, që madje është më konkret dhe ka në plan të bëjë edhe një ofertë për të.

“Nëndetësja e verdhë” është e gatshme t’i ofrojë klubit të Arsenalit shumën e 10 milionë eurove për transferimin e Bellerin, ndaj priten zhvillime.

Alesio Romanjoli ka marrë një tjetër ofertë nga Lacio, të përmirësuar në aspektin financiar, por sërish më të lartën e ka nga Premier League. Fulham, i rikthyer në elitën e futbollit anglez, i ofron qendërmbrojtësit të larguar nga Milani 4 milionë euro në sezon dhe një kontratë të vlefshme për katër sezone.

Mediet në Itali raportojnë se Romanjoli po e merr në konsideratë këtë ofertë të klubit londinez, por Lacio nga ana tjetër po tenton ta shfrytëzojë faktin që qendërmbrojtësi është një tifoz i tyre. Veçse një rol protagonisti në ekip, ata i ofrojnë edhe një pozicion në klub pasi të përfundojë karrierën.





Lajmet e fundit nga