web counter
LEXO PA REKLAMA!

SHKARKO APP

App Store
Google Play

E fundit!

x

Fundi i kontratës, Alban Hoxha dhe Partizani vendosin për të ardhmen

3 Korrik 2022, 18:57, Sport CNA

Alban Hoxha do të vazhdojë të jetë lojtar i Partizanit. Burime të besueshme pranë lojtarit konfirmojnë për "Newsport.al" se cërrikasi do të takohet me presidentin Gazmend Demi, për të rinovuar kontratën. Të njëjtat burime tregojnë se do të ndryshohen disa detaje nga kontrata e mëparshme, për të vazhduar me bashkëpunimin.

Kujtojmë se aktualisht Hoxha konsiderohet lojtar i lirë, pasi kontrata e tij ka përfunduar në fund të qershorit. Madje, portieri mungoi në seancat e djeshme stërvitore, duke bërë të aludohet për një largim të mundshëm. Cërrikasi me sa duket ka vendosur të bëjë disa ditë pushime para se të kthehet në kampin e kuq.

Reparti i portës është mbipopulluar që pas afrimit të Bekim Rexhepit. Tashmë janë 4 portierë që do të tentojnë vendin e titullarit, duke pasur parasysh dhe Aldo Teqjën dhe Vokli Laroshin. Titullar i padiskutueshëm gjatë viteve të fundit ka qenë Alban Hoxha. Kulmin e karrierës e arriti sezonin 2014/15, kur vendosi rekord më 13 dhjetor 2014, duke e mbajtur plot 1084 minuta portën e paprekur në Superiore.

34-vjeçari do të mbushë plot 1 dekadë me fanellën e “demave”. Tifozët e kuq mbajnë mend kualifikimin historik që kapiteni i tyre u dha në Budapest të Hungarisë, ku Partizani u kualifikua përmes penalltive përballë Ferencvaroshit në turin e dytë të Champions League. Partizani ka vendosur që brenda klubit të qëndrojë një figurë e rëndësishme, si ajo e kapitenit Hoxha.





Lajmet e fundit nga