web counter
LEXO PA REKLAMA!

SHKARKO APP

App Store
Google Play

“Telenovela” Levandovski, Laporta: Ne po e marrim me qetësi situatën

3 Korrik 2022, 11:35, Sport CNA

E ardhmja e Robert Levandovskit prej kohës është kthyer në një “telenovelë” duke marrë vëmendjen kryesore të të gjitha mendiave.

Tashmë ajo që dihet e sigurtë është se sulmuesi polak ka kërkuar largimin nga Bajerni i Mynihut, ndërsa dëshiron kalimin në “Camp Nou”.

Deri më tani Barça ka bërë 3 oferta në drejtim të polakut, me Bajernin që ka refuzuar ofertat e katalanasve, pasi kërkon 50 milionë euro për të lënë të lirë lojtarin, i cili tashmë ka hyrë në vitin e fundit të kontratës me gjermanët.

Pavarësisht kësaj Barcelona nuk do të heqë dorë nga sulmuesi, por mediat gjermane janë të sigurtë se katalanasit nuk do t'i paraqesin Bajernit një ofertë të katërt.

Në lidhje me situatën e Levandovskit ka folur presidenti i Barçës, Joan Laporta. Numri një i klubit blaugrana theksoi se polaku dëshiron të bashkohet me katalunasit, por që skuadra e tij do t’i mbajë gjërat në qetësi pas kësaj.

“Robert Levandovski është lojtar i FC Bajern dhe unë preferoj ta mbaj të qetë këtë situatë. Jemi vërtet të lumtur që ai dëshiron t’i bashkohet Barçës. Ne vetëm duam ta falënderojmë pasi ai dëshiron të vijë te Barcelona”, përfundoi Laporta. 





Lajmet e fundit nga