web counter
LEXO PA REKLAMA!

SHKARKO APP

App Store
Google Play

E fundit!

x

Ishte abuzuar seksualisht nga punonjës të Federatës, trajnerja thyhen heshtjen...

2 Korrik 2022, 10:28, Sport CNA

Vera Pauw, një ish-trajnere holandeze tanimë e Irlandës, ka zbuluar se është sulmuar seksualisht nga tre burra të punësuar në futbollin holandez, kur ajo ishte lojtare. Ajo së fundi i raportoi këto sulme në polici, duke besuar se nuk kishte marrë asnjë mbështetje nga federata holandeze (KNVB).

“Për 35 vjet e mbajta këtë sekret nga pjesa tjetër e botës, nga familja ime, nga shoqet e skuadrës dhe lojtaret e mia”,- shkroi ajo në një deklaratë të postuar në "Twitter". - Edhe ata më të afërt me mua nuk janë në dijeni të përdhunimit të kryer nga një zyrtar i lartë i futbollit kur isha lojtare e re. Më vonë, unë isha objektiv i dy sulmeve të tjera nga burra të tjerë. Të tre punonin në federatën e futbollit holandez në atë kohë”.

Holandezja tha se kishte dërguar pesë raporte në KNVB dhe së fundi kishte raportuar përdhunimin dhe sulmin e saj seksual në policinë holandeze. “Tashmë ndihem si fillimi i fundit për mua, por e di se do të ketë më shumë zemërthyerje në të ardhmen. Por gjithashtu shpresoj që futbollistet dhe trajneret e tjera të reja që janë ekspozuar ndaj diçkaje si ajo që kam kaluar, tani do të ndihen mjaft të guximshme për të dalë përpara dhe për të ndarë historitë e tyre,”- vazhdon ajo.

Federata holandeze tha se ishte "shumë e tronditur nga ngjarjet e përshkruara nga Vera gjatë një diskutimi vitin e kaluar" dhe se më pas i besoi hetimin një organi të pavarur. Kjo nxori në pah një sërë gabimesh në mënyrën se si u trajtuan sulmet e pësuara nga Vera Pauw dhe faktin që Federata "nuk reagoi aq shpejt ndaj alarmeve të para të dhëna nga Pauw për sjelljet seksuale të papërshtatshme në 2011".





Lajmet e fundit nga