web counter
LEXO PA REKLAMA!

SHKARKO APP

App Store
Google Play

E fundit!

x

Nuk kanë fund telashet për Pike, zbulohen 250 varre në pronën e tij

1 Nëntor 2022, 20:56, Sport CNA

Duket se ky vit nuk është aspak i mbarë për Zherard Pike. Problemet në fushën e lojës ku nuk duket më i nevojshëm për Barcelonën, janë ndjekur nga ato jashtë saj me ndarjen nga Shakira. Dhe së fundmi, situata është përkeqësuar edhe nga një problem që i ka dalë në një nga bizneset e tij, me një investim prej 20 milionë dollarësh që ka mbetur në vendnumëro për shkak të disa varreve mesjetare.

Pike kishte blerë një terren në Malaga për rreth 20 milionë dollarë dhe pas shumë vitesh tentativa, kishte siguruar lejen për të ndërtuar aty një hotel luksoz. Por projekti për momentin është ndaluar, pasi në këtë pronë, janë zbuluar gjatë gërmimeve 250 varre, duke bërë që në këtë kantier ndërtimi tani të nisin punën arkeologët dhe jo punëtorët që duhej të ndërtonin hotelin.

“Kemi gërmuar rreth 250 varre, pjesa më e madhe e të cilave janë të boshatisura”, shpjegoi arkeologu Alberto Kumpian. “Me shumë mundësi këto varre nuk ishin përdorur asnjëherë dhe nuk janë të vlefshme që të ruhen. Kjo është një nga varrezat më të mëdha të zbuluara për periudhën e mbretërisë Nazari”, vijoi ai.

Pritet që boshatisja e varreve dhe zhvendosja e plotë e tyre t’i japë dritën e gjelbër projektit të Pike në janar, gjithmonë nëse nuk ka ndonjë të papritur tjetër.





Lajmet e fundit nga