web counter
LEXO PA REKLAMA!

SHKARKO APP

App Store
Google Play

Pëson ndryshime edhe kalendari i Kategorisë së Parë, spostohet Skënderbeu-Flamurtari

1 Nëntor 2022, 13:15, Sport CNA

Pëson ndryshime edhe kalendari i Kategorisë së Parë,

Do të rikthehet në fundjavë Kategoria e Parë, e cila kishte programuar të zhvillonte të gjitha ndeshjet ditën e shtunë dhe të diel. Megjithatë, me ndryshimet në “Abissnet Superiore” në kuadër të miqësores që Kombëtarja shqiptare do të zhvillojë me Katarin, do të ketë ndryshime edhe në Kategorinë e Parë.

Katër takime do të luhen ditën e shtunë dhe janë ato midis Lushnja-Luzi, Tërbuni-Besa, Oriku-Korabi dhe Tomori-Besëlidhja në orën 13:00.

Të dielën do të zhvillohen dy takimet e tjera të kësaj jave. Më pas ditën e hënë, do të keni mundësi të ndiqni sfidën e kreut mes Skënderbeut dhe Flamurtarit. Ndeshja do të startojë në orën 16:00.

Rivaliteti në Kategorinë e Parë është shumë i madh, pasi janë të shumta skuadrat me traditë, që militojnë në këtë turne dhe synojnë ngjitjen në elitën e futbollit shqiptar. Pas tetë javësh kampionat, kryeson tabelën e klasifikimit Flamurtari me 17 pikë, që ndiqet nga Dinamo (15 pikë) dhe Korabi (13 pikë). Skënderbeu, Luzi, Besa dhe Tërbuni ndjekin në kuotën e 12 pikëve (kujtojmë që korçarët dhe Apolonia kanë një ndeshje më pak).

Kategoria e Parë / Java e 9-të

E shtunë 5 nëntor

Lushnja-Luzi                       13:00

Tërbuni-Besa                     13:00

Oriku-Korabi                      13:00

Tomori-Besëlidhja           13:00

E diel 6 nëntor

Dinamo-Turbina               13:00

Burreli-Apolonia               13:00

E hënë 7 nëntor

Skënderbeu-Flamurtari    16:00





Lajmet e fundit nga