E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

"Kampionati i Kosovës, më shumë cilësi se ai shqiptar", Visar Bekaj zbulon të ardhmen: Ky është viti im i fundit te Tirana!

1 Nëntor 2022, 13:55, Sport CNA

"Kampionati i Kosovës, më shumë cilësi se ai

Visar Bekaj, portieri i Tiranës, sonte ishte pjesë e emisionit “Koha Shtesë” ku foli për pozitën e tij te kombëtarja Kosovës dhe gjithashtu për skuadrën e Tiranës. Tirana momentalisht pozicionohet e dyta me 18 pikë në tabelën e Kategorisë Superiore në Shqipëri, vetëm 1 pikë larg rivalit të saj, Partizanit.

Me suksesin përballë një rivali tjetër në formën e skuadrës së Kukësit, është e qartë se Tirana mendon që sërish të luftojë për titullin e kampionit.

Dhe me Bekajn në portë deri më tani ka pësuar vetëm 8 gola duke pasur mbrojtjen e dytë më të fortë në Shqipëri. I pyetur për periudhën e tij që po kalon te Tirana, Bekaj u përgjigj:

“Do të jetë kampionat i vështirë, por do të jemi mes më të mirëve, te Tirana kam gjetur profesionalizëm dhe infrastrukturë më të mirë, por më shumë ka cilësi kampionati i Kosovës”. Ndërkohë që me formën pozitive pyetja që kanë shumë është se a do të ketë hapësirë te Kosova.

Lidhur me këtë pyetje Bekaj u përgjigj duke thënë:

“Shpresoj të jem pjesë dhe të kem mundësi, ndonjëherë mërzitem kur trajnerët nuk më dhurojnë mundësinë, por unë duhet të vazhdoj që të punoj dhe shpresoj ta arrij qëllimin tim”, tha Bekaj.

Ai gjithashtu foli edhe për situatën e kontratës së tij te Tirana duke thënë se do të shikoj mundësitë që ka dhe të shohë që ndoshta të transferohet jashtë:

“Është viti im i fundit te Tirana dhe si lojtar i lirë synoj të transferohem jashtë, pasi që kontrata ime të skadojë në qershor”, sqaroi Bekaj.

I pyetur se a ka diskutuar metrajnerin e Kosovës, Alain Giresse, për pozitën e tij te kombëtarja e Kosovës, Bekaj thase nuk ka komunikuar me të, por se do të shohë se çfarë do të vendosë e do të veprojë:

“Nuk kam pasur bisedë me të. Shpresoj ta ketë mirë, por nuk kam ide se si do të veprojë ai. Kosova më ka bërë burrë dhe ky është vendi im dhe nuk ia kthej shpinën Kosovës, për Shqipërinë kam shumë respekt, por zemra ime rreh për Kosovën”, qartësoi Bekaj.